السلام عليكم ورحمة الله وبركاته ..
اولا احب عن سروري بانضمامي لهذا المنتدى ..
لكن عندي موضوع احب ازعجكم فيه
.... وهو التفرقه بين الاولاد والبنات ...
انا عارفه انكم بتقولون انه تطورنا وانه ما فيه تفرقه ... لذلك قلت نتتبع مراحل التفرقه مع بعض ..
المرحله الاولى : قبل ولاده الطفل ..... يعني ان بعض الامهات والاباء يتمنون انه اول طفل لهم ولد ..
ما ادري ليه عندهم ذا الفكر الى الحين !! ... وتشوفونه اذا عرف انها بنت ظاق خلقه وسود وجه وحط حرته بزوجته ... شوي ويدفن بنته ... والواحد اذا جاه ولد ما تشوف الا ظروسه من الفرحه .. وش هالفكر المتخلف .... الناس وصلوا القمر وذولا الى الحين ( يارب يجيني ولد ... ) ...
المرحله الثانيه : لما يوصل الولد للابتدائي .... يبدون اهله يحسسونه انه رجال ... انتبه لخواتك و رح مع خواتك ... كأنه خواته ما يعرفون يدافعون عن انفسهم ... ينتظرون ذالبزر يدافع عنهم
... تقل ذا البزر بيصير درع لهم ولا فقاعه تحميهم ... اشوى انه اول من يهج هو اذا صار شي ... وبعدين وين المرجله فيه ( يحسبون المرجله بكلمة تغطي ولا لا تتغطين ) المرجله باللي يعامل اخته الكبيره باحترام ... هذا بدال ما يعلمون البزر الاحترام يعلمونه المهاوش .. المهم ...
المرحله الثالثه : <<< احس انها لعبه بلاي ستيشن على هالمراحل ..
لما يصير الولد بالثانوي .. طبعا اهله معطينه جوال من يوم انه بالمتوسط ... يعني ما يوصل ثاني ثانوي الا وهو مبشك على بنات خلق الله .. و يمكن الاهل يدرون لكن يتغاضون ... ليش ؟؟؟ لانه ولد وما منه فضيحه ... طبعا هم ما همهم الا الفضيحه ... يعني ما همهم الدين ( اجل ليش الاسلام حرم الزنا !! ) ولا حسن التربيه ... تاركين ذا البزر المراهق على راحته مسنتر عند النت يكلم بنات خلق الله .. وحاط صوره فزاع يقول هذا انا .. (اشوى انه سعودي محموس بالشمس وشعره محلوق تقل لاحسته بقره وراسه ماله شكل محدد من كثر فلقات عيال الحاره ) ... وحاطين عنده كل القنوات الفضائيه والبنت غاصبينها على غصب واحد وغصب اثنين ... ولا المجد وسخافاتها ومنشدينها مدري مغنينها .... واذا حصلت المصيبه ... والفضيحه قالوا البنت ما تربت ... والولد محد يجيب طاريه .. وبعد سنتين تلقاه متزوج وحده دينه وعلى نياتها ما تدريانه زوجها زاني على خمس وعشرين وحده قبلها ... والبنت اذا
شكوا انها تكلم .. تبروا منها ولا قتلوها بعد .. طيب كلهم غلطانين ... الولد والبنت ... ليش ما تحاسبونهم كلهم ؟؟ ...
يوووووه ... يا طول موضوعي .... اثري قرقاره ..خخخخخ
افففف بس .. لو يسمعونني البنات السعوديات ... كان اسوي اضراب ضد الزواج من سعودي .. كان يروحون فيها السعوديين ... عاد من سناعتهم هم ... حتى صامولي ما يعرفون يسوونه ..
قسم بالله العيال هم اساس البلا في المجتمع ... هم اللي يغازلون وهم اللي يخطفون .. مزعجيننا وين ما رحنا ...
وللمعلوميه .. ترا فيه حديث عن الرسول ينهى عن التفرقه بين الولد والبنت ... لكن والله نسيته .. اذا لقيته احطه انشاء الله ..
peace
