|
حصل لي موقف لاأحسد عليه في يوم من الأيام ذهبت بالوالد لأحد المحافظات القريبة للسلام على جدتي
وعمومتي وجاء وقت صلاة المغرب ورحنا نصلي بمسجد عمومتي اثنين كلهم شيبان منهم واحد مات الله يرحمه
وجماعة المسجد يجي لهم عشرة شيبان وإمامهم مايجي إلا قليل نسيت أقول معي ولدي الله يصلحه عمره سنتين حطيته بالسيارة مع أخوي جاء عمي وجاره قالوا صل بنا وجاره حمق على الإمام ويقول صل بنا الظاهر إن هالإمام مابه عباية عاد تقدمت وقلت الله أكبر وولدي دخل المسجد بابا بابا قلت أوالله النشبة ويوم شفت ان الذيب يبي يجي عندي
قريت بهم امن الرسول لأني عارف الدعوى عاد الولد بدأ يقلب بالأسلاك ويناظر بالمكرفون وشايب ورى يتنحنح
ويجي الولد ويستلم المكرفون التحتي وخذ هجيني والله مادري وش يقول لكن أكا الصلاة ماأدري وش صارت
ونسيت التشهد الأول بس تدرون أزين مابالولد يوم جت الركعة الأخيرة جاوه أخوي يدوره وطلع معه
|