[بــ700ـــرق]

هذه قصيدة جميلة جدا وهي قديمة

ترى القصيدة فيها بعض آثار الدمج >>> هذا بلاء أبوك يا عقاب

فإلى القصيدة :

نسيتي المزح بالقبة ### ونسيتي لعبنا الطبه
نسيتي كشختي دايم ### ابثوب دوبلين خبخبه
نسيتي الركض بالطاية ### ايلا صار ابدارنا شَبّه
ايلا جابوا فضلة القرصان ### انسابق ودنا انْلُبُّه
نسيتي ازعاجنا لامك ### وهي بالحوش منكبه
نسيتي معلف أم العوف ### تنضفيه وأنا اكبه
نسيتي ثوبك التنتر ### وغضبك الا نقطع حبه
ايلا جابت امك الوازلين ### نهج للحوش ما نحبه
تني اتدهن قوايمنا ### وحنا نهوش ونسبه
وامك إيلا تهاوشنا ### تحط با عيوننا شَبِّه
نسيتي بسطت اعزيز ### ايلا جاء العصر بالقبه
نسيتي خرطه الماصل ### يجيب الحكي من عبه
نسيتي القربه والشنه ### وماها البارد نقبه
نسيتي قولك امعصقل ### وانا اعيرك بالدبه



اللي ما يعرف يخلي سعفه يشرح له .


ترقبوا باقي القصيدة!!!!!