[الفـــارس]

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يالله يالمـــطلوب تلطـف بحالي = ياواحــــد ماخــاب منهــو ترجــاك
فــرد صمد ماله شــبيه ومثالي = كل الخلايـــق تحت لطفك ورجـــواك
ومن بعد ذا أبـدأ بشي جرا لي =واحـذرك ياقاري وصاتي إلى جاك
الماء عقب ماصار عـدٍ زلالـي =جــاله زمان وصــار به طــين وركاك
لاشــكوتي دنيا ولا أحـدٍ طرا لي = ولا كثرت ديــوني وبيـعت الأمـلاك
أشــكي زمان فيه قطعت حبالي =وأصبحت أعاني هــم ذولا وذولاك
صــار الصــفاء وسط الصداقه محالي =كل يــدور حــاجته ويتعـــــداك
وين الرفيق اللي يبات الليالي =يســاهرك لاجـــاك زلـــه بـدنيـــاك
يســاهرك ويـزيد عنك السؤآلي = ولا مــن بغيته تاجــده عــند يمنــاك
وين الرفيق اللي لشمسك ظلالي = ذراك لامن الخـــــلل بــان يرفـــاك
وين الرفيق اللي حلالــه حلالي = ماحســب حســابه بشيكات وأبواك
ماشــوف لي شخص مود(ن) موالي=حمله ثقيل ومنيته دوم طـــرياك
المســتحيل أربع قديم تقالي =وجاله تواكـــيد بعـــد دور الأفـــلاك
أظـــن مانبغيه شئ(ن) محالي =مما عرفت وشــفت (أنا ) جاني إدراك
وقررت (أنا) أبقعد وحيد لحالي=ذكر وتســبيح ومصحف ومســواك
كثر الحكي واللوم ماله مجــالي =وقت تغير صار في ورده أشواك
وصلاة ربي عد ســهل ورمالي =على نبيٍ دعـوته ضـــد الإشـــــراك[/POEM]

حفيــــــد عقيــــــل !
قسم بالله يانت شاعر !
فديييييييتك ياشيخ !