[خرمان توت]

أيضا هناك مشكلة في أن غالب السيارات الحديثة تشجع وبقوة على السرعة ..
يعني جي لي أي سيارة من النوع المتوسط (كامري كمثال) فما فوق وامش فيها 120 بخط سفر ، الكلام مهوب كم الفرق بيني وبين اللي يمشي 160 ، مسألة الوقت فرعية عند ربعك ، لكن الكلام هل تبي تتحمل ملل الـ 120 ؟

يعني تتوقع من صاحب (بي إم) يمسك خط القصيم بسرعة 140 مثلاً ؟
إذا مشى 160 يعتبر مهدّي جداً .. وأنا أعذره صراحة لأمرين :
الأول مثل ما قلت السيارة مهيّأة جدا للسرعة
الثاني ، راعي الـ بي إم ، وحالة الكفرات ممتازة .. منتب خايف عليه مثل خوفك على راعي (اكسنت) له 3 سنين ما غيّر الكفرات ، والزيت ماشي عليه خمسطعش ألف !

فـ لا تلوم بعض الناس إذا كانت سيارته مستواها كويس وأسرع .. حتى قصة الـ 120 المفترض ما تطبق على كل السيارات ..
ترى ما معي بي إم يا جماعة .. همّن تقولون الرجال جاي يدعدع

بعدين حبيبي الصمصام أي دائري شرقي ؟
ما يمديك ولا تاصل 120 من الفضاوة ما شاء الله
الشسمه السريات حاطين حيلهم بالشمالي