حبيبي الواثق ..
أنت ما ودّك تعرس لأنك تحس إن المرأة تزيد همّك وتبي تشيل همومها .. حلو
معليش عشان أكون بالصورة ..
هذا السبب الوحيد ؟
إذا كان جوابك بنعم .. فتتوقع إن هالعالم المعرسين .. يوم كانوا عزوبية كانت همومهم كيلوّين ونص ، ويوم أعرسوا ولا المرة معه 3 كيلو هموم ..
يعني الرجال شال 5 كيلو ونص هموم ..
طيب نبي نفرض إن 70% من المعرسين ما يقدرون يشيلون الهموم اللي شالوهن عن حريمهم ..
وهذا يعني أمرين :
الأول : يبي يطفح عندهم الكيل ويتخذون قرار (الطلاق)
الثاني : يبي يصبرون على شلقة هالهموم وتشيّب روسهم ، لكنهم ما زالوا بأحضان الزوجية
الاحتمال الأول خاطئ لأن الواقع يقول ذلك
الثاني إذا أقرّينا فيه فإن نسبة كبيرة يبي يسنترون عند الأطباء النفسيين (يسوون رجيم هموم)
النقطة الثانية ..
بعيد عن قضية تشيل هموم أو تشيل مادة من المستوى الرابع أو حتى تشيل بطيخ < نكتة
بكل صدق إذا عملت - أنت - جدول مقارنة بين العزوبية والزواج ، إيجابيات وسلبيات كل وحدة ..
وش اللي يبي يطغى جانب الايجابية عنده ؟
سؤال أخير ، معليش
الوالدة وش وجهة نظرها ..
ماأبلشتك مثلا بفكرة الزواج ؟
الله يزوجك أخوي
