[المنخرش]

واااو

والله يانت طبيت على الجرح

أذكر لما كنت في بريطانيا ..
كان فيه واحد سعودي لقيته تائه بالطريق
فدليته ووصلته للمكان اللي يبي
ودار بيننا هذا الحوار
طبعاً ماراح اقولكم من اي منطقة
لكنه (سعودي وأول مرة يخرج خارج السعودية)
قالي ..

عيال الكلب ليش مافيه مرشدين احد يعلمني وين شارع العرب
كلمت باص رقم واحد
ولا يعرف
شف الكذب عينك عينك

رديت عليه / اقول احمد ربك . واقضب ارضك .. على هونك لاتهوش
هم مثل مايعرفون
سواق باص مايعرف إلا طريقه ولا يمر على شارعك اللي تبيه

مشينا شوي قالي

لو بيدي لعنت والديه هالنصراني


رديت عليه / انت تحسبك بالسعودية متسلطن على العمال تحسبك هنا مثل؟
قسم ورب الكعبه .. لو يمسك حدى هالأجسام الكبيرة السنعه
ويخلطك ويعفن وجهك وخدك بالزفلت ..
(ابن ابوك قل كلمة وحده)
عاد تبي تجي السارة تدافع عنك ؟

تراه يناظرونك بالنسبة لنظرتنا

(بنقالي بالسعودية) اللهم انهم ارحم منك في ديارهم

لأنه يقصص لي قصص عن العمال وانهم مايفهمون بالسعودية
ومثل ماقال ابو فارس

كلام قسم بالله يوحش

عاد تمنيت انه ممسوك ومكوفن .. عشان إذا رجع للسعودية إذا شاف هندي يحب راسه
ويحس بغربته وفقره والحال اللي عايش عليها


شكراً لك ابوفارس