حبيبتي انا استعمل حنة حق المدينة .....حلو ولا يصبغ بالشعر مرة...
يعني يعطي لمعة على لون الحنة بس....لان شعري بني فاتح ومايصلح احط حنة يصبغ شعري بعدين يصير يلمع زي الزري....
واحط مع الحنة ملعقتين كبار زبادي وملعقتين كبار مايونيز.... و4ملاعق حنة وملعقة صغيرة محلب.....هذي الكمية تكفي شعري لانه قصير توني قاصته.......
انتي حطي على حسب طول شعرك.....
تخلطينهم بموية الصالحة للشرب وتكون دافية....لان مويه الشرب انفع للشعر من موية اللي مليانة كلور....وزيادة بعد عندنا بالشرقية مويتنا ملح.....
وطبعا اكون قبل كذا بكم ساعة مزيته شعري بزيت النارجين.....عشان الحنة ينشف الشعر اذا كان الشعر عادي او جاف....
بس لو كان شعرك دهني مايحتاج تحطين زيت.....
والله من اول مرة سويت كذا وشعري تحسن حيييييل.......ماصدقت طال ورحت اقصه عشان افتك من الاطراف المصبوغة........ومن يوم مااعتمدت هذي الطريقة وانا شعري رووووووعة....
والله صرت وين مااروح ويشوفوني الحريم يسألوني وش سر لمعة شعري وكثافته ونعومته.....
وحتى البنات الصغار اللي بالمتوسط والثانوي صاروا يجون لي ويقولون ودنا تصير شعورنا زي شعرك .....
ويصيرون ياخذون مني النصايح....خخخخخ
فصرت اسبوع احني شعري بهالخلطة......واسبوع اسوي حمام زيت .....
وحتى عندي المقدمة من شعري انتهت من كثر الصبغات حتى ان فروتي مبينة.....
الحين الحمد لله والله مااكذب عليك ان شعري صار حلو والحمدلله......
حتى زوجي اللي عمره مالاحظ قصات شعري هالمرة لاحظ وعاجبته......
يارب اكون افدك......
ترى على فكرة .....ممكن تسوين لك في البيت زيت ثوم ....وزيت حلبة.....
وعن تجربة والله .....ان فيه ناس اعرفهم زين زين....شعورهم خفيفة ومتقصفة ...ومن يوم ماسووا هالخلطات وشعرهم يجنن....وانا ناوية دام الاجازة جاية اني اسويهم لي......
وطريقتهم...
تاخذين الزيت اللي يناسب شعرك او اثنين اوثلاثة زيوت من اللي تناسبك ..وتحطينهم في غرشة زجاج زي غرشة الفيمتوا .. وتحطين معاه ثوم مقصوص ارباع....
وبالنسبة لزيت الحلبة .....خذي الحلبة حب او مطحون عادي.....وحطيه بعد بزيت زي طريقة الثوم ....
وبعدين غطيهم ببلاسيتك اسود او قماش وخليه داخل دولاب المستودع لمدة لاتقل عن اسبوع.... وبعدين كل ماخذتي شوي روحي رجي العلبتين زين وارجعي حطيهم بالظلام عشان ماتوصلهم حرارة ولاشمس....
وتصيرين تحطين زيت الثوم قبل الحمام بربع ساعة وبعدين تغسلينه زين بالشامبوا عشان ماتعلق ريحة الثوم....
وزيت الحلبة احسن تحطينه 4 او 5 ساعات مرتين بالاسبوع وبعدين اغسليه....واذا تحسن يكفي مرة وحدة...
وطبعا عشان مايرجع ينشف مرة ثانيه عليك ....
حطي بعد الحمام اذا ماانتي طالعه شويه كريم او سوي حمام زيت.....
يارب طيقتي تناسبك وتستفيدين..
واذا استعملتيه وزان شعرك معاه... ادعي لي ان الله يرزقني ولدين توم ويصلحهم لي ويسخر لي زوجي.......