[ibibibib]

اقتباس المشاركة الأساسية كتبها طبيبة بريده مرحبا ياخوي انا بتكلم بصفتي انسانه عاديه ,, بنسى اني طبيبه عشان ماتقول هذي متحيزه لوظيفتها او او او بالله عليك بسالك سؤال واحد بس وابغاك تجاوبني عليه ؟؟ اذا انت وغيرك ممن لايقدرون عمل المراه في هذا المجال ولا يعرفون اهميته للمجتمع , اذا انتو حاربتو المراه في هذا المجال ؟؟ من وين راح تحصلون طبيبه تعالج حريمكم , بناتكم , امهاتكم ؟؟؟؟؟؟؟؟ اتحداك لو انت تروح لمستشفى وماتقول ابغى طبيبه لزوجتي ولا لبنتي ؟؟ اكيد لو تلقى طبيبه حتى لو هي مو مسلمه بتفضلها على الرجل ؟؟ فما بالك طبيبه مسلمه ؟؟ عربيه ؟؟ خليجيه ؟؟ سعوديه ؟؟ من بنت بلدك ؟؟ ليش ياعالم تناقضون انفسكم ؟ ليش ياعالم ماتفكرون بضمير نظيف ؟ ليش ياعالم ماتصحوون من التخلف الي انتم فيه ؟ الدكتوره منيره بهذي الصوره جسدت المراه المحتشمه المثقفه الواعيه , والي يقول غير كذا بنظري وبنظر العقل انه متخلف ورجعي << اسفه على هالكلمه بس مالقيت افضل منها للتعبير عن الحاصل من كلامكم عالعموم بس بقول شي واحد وبترك لك الساحه تتكلم وتعبر عن العلمانيه الي ذابحتكم وانتم ماتدرون وش سالفتها !! ارحمو انفسكم من التناقض الي جوا قلوبكم ,, والقافلة تســــــــــــــــــــــــــــــــــير

مره ناقشت واحد مبتعث وكان ينكر على البنات المبتعثات للدراسة خارج المملكة ويقول انه اختلاط ووو

واذا أحد ناقشه صار يردد آيات مثل (ومن الناس من يعجبك قوله في الحياة الدنيا ...) إلخ الآية
ومثل (أفتؤمنون ببعض الكتاب وتكفرون ببعض..) إلخ الآية
ومثل (وقال الذين لا يعلمون لولا يكلمنا الله أو تأتينا آية كذلك قال الذين من قبلهم مثل قولهم تشابهت قلوبهم..) الآية

المهم سرد لي آيات مالها علاقة بالموضوع

قلتله يخوي هذي آيات في المنافقين والكفار واخوانك اللي تناقشهم مسلمين ارفق عليهم

وبعدين ليش تدرس في صف فيه نساء وانت تقول الاختلاط حرام وعرضت له فتوى ابن باز الله يرحمه

وانه قال: لا تجوز الدراسة المختلطة مع الفتيات في محل واحد أو في مدرسة واحدة

يعني حرام عليها تدرس مع الرجال وحلال عليك تدرس مع الحريم؟؟

طبعا أنا ما كنت أهدف إلى مناقشة الجواز والا الحرمة بس حبيت أفهمه انك لازم تتفهم راي غيرك وتجادل بالآيات والأحاديث وان الاختلاط لازم تحصر كل صوره ويحكم على كل منها بالحكم المناسب

عالعموم الله يوفقك يا طبيبة بريده ووسعي بالك ترى الدعوه نقاش، يعني اقتنعنا براي بعض والا الوجه من الوجه ابيض