|
شكلك ميكانيكي سيارات يالمخفي .
حبيت اشكر توتو22 على الكلام الطيب واقول لكل واحد يقول انا مااقدر اتركة انه مهوب صادق ليش انا ولله الحمد تركته بعد ان كنت انسان مدخن من زمن بعيد وكنت اعاني من الصداع الدائم وعلى طول بندول وادور شاهي يوهمني الشيطان ان البندول والشاهي يروح الصداع ويلطف الجوا مع الدخان بس حاولت اجرب نفسي بدون دخان ولقيت الحقيقه ان اللي يشرب الدخان واللي يتركه بعد شربه واحد بس بعد فتره من تركة بتشوف التغييرماهو يتركه اسبوع او اسبوعين او يمكن شهر ويقول مافية جديد بحياتي اصبر اقل شي سنه واحده وشوف حياتك رايح تندم على كل ساعة مرت من حياتك مع زقاره او خوي يدخن ماقول اترك ربعك بس رايح تكون دافع قوي لكل زملاك بعد التجربه وصدقوني اخواني انه ماهي خساره ان الواحد يشتري صحته بالتجربه عند الاقلاع عن التدخين كنت احب وقت الصلاة اطلع من البيت واصلي في محطات البنزين على الطرقات واذا فيه مناسبه ادخل اوريهم وجهي واطلع لين يجي العشاء وانا واقف برا علشان الدخان ورمضان تمره وماء وزقاره قبل الصلاة ويمكن نفطر على الدائري علشان ندخن مع الفطور وووووووالخ. يطول الكلام والندم .........لاكن اللهم لك الحمد ان عصمتني عنه اللهم اعصم شبابنا وشيابنا عن المعاصي جميعها ياارحم الراحمين . ...... آسف عالى الاطاله وتقبلوا مروري شكرا
__________________
أدعو لمرضي المسليمن بالشفاء
|