[كهربائي]

طيب يا عزيزي المنخرش,, هدي أعصابك وركز معي شوي,,
قبل أرد على كلامك فيه معلومات مهمة أبيك تحطها بين عيونك:
أنشئت "الشركة السعودية للكهرباء" بتاريخ: 5/4/2000م بموجب قرار مجلس الوزراء رقم 169 وتاريخ 11/8/1419هـ , والذي قضى بدمج جميع الشركات السعودية الموحدة للكهرباء في المناطق الوسطى والشرقية والغربية والجنوبية , والشركات العشر الصغيرة العاملة في شمال المملكة , ومشاريع الكهرباء التشغيلية التي تديرها المؤسسة العامة للكهرباء في شركة مساهمة واحدة هي "الشركة السعودية للكهرباء". وهذا يجعل الكلام الذي يقال حول التخطيط من 30 سنة لا يدل إلا على تواضع المعرفة وإلقاء الكلام كيفما اتفق.
هل تعلم أنت فضلاً عن غيرك من الذين يطلقون الكلام على عواهنه أن عمر الشركة لا يزيد عن تسع سنوات فقط؟, طيب تعال نشوف كيف كان الوضع قبل 2000م, وبعد 2000م
فيه تقرير في موقع وزارة المياه والكهرباء يسرد التطور في الكهرباء من يوم دخل الكهرباء للمملكة إلى عام 2007م, وقد وضعت له رابطاً في هذا الموضوع وأقتبس منه الجدول التالي لمن يريد أن يقرأ بإنصاف, وإلا أسلوبك في الرد لا يبعث على التفاؤل كثيراً:



وبإمكانك الاطلاع على كامل التقرير في موقع الوزارة على الرابط التالي: اضغط هنا

وأنا هنا أدعوك لموقع محايد اللي هو موقع الوزارة يساهم في رفع مستوى ثقافتك في هذا الموضوع حتى لا يصدر منك كلام انفعالي لا يسمن ولا يغني من جوع, وتكون ردودك مبنية على وعي ومعرفة.

نأتي لكلامك حفظك الله,,

تقول:

اقتباس وقتً طويلاً .. يعني كم ؟ وهل استغرقت 30 سنه تقصد ؟ هالإجرارات الأمنية؟ وغيرها اما املاك المواطن هذي كثر لي منها حبيب البي املاك المواطن أخر مايلتفت له

وأقول: هاه ما حسيت بحاجتك للمعرفة بعد مادريت إن الشركة عمرها بس تسع سنوات؟ وبعد ما قريت التقرير وشفت وشلون الزيادة الرهيبة في قدرات التوليد والأحمال التي لا يمكن اللحاق بها بسبب النهضة العمرانية؟ من 26000 ميغاوات عام 2000م إلى 37000 ميغاوات عام 2007 أي أن الشركة أنشأت في سبع سنوات ما يعادل كل التوليد الموجود في دولة الأمارات العربية المتحدة. ومع ذلك لم تستطع مواكبة التطور للمعوقات المذكورة.

تقول:

اقتباس اوكي كلام على العين والراس طيب وينهم كل هالسنين ؟ ليش توهم يلتفتون ؟ لاتقنعني ان الشركة من 30 سنه وهي على هالعمل فالأكاذيب اللي صرح بها رئيسكم كذب في كذب يبي يسكت الجمهور فقط

وأقول: اقرأ الكلام اللي فوق,, واترك الأكاذيب اللي يصرح به رئيسنا واسألني عن الكلام اللي أقوله أنا لأن رئيسنا فيه له جهاز إعلامي يتكلم باسمه.


تقول:

اقتباس اي دولة بالعالم لازم لها تزايد سكاني وهذا عذر غبي عاد معقولة الشركة ماتعرف ان السكان سيزيدون انت لو قايلي ان في دولة ثانية دخلت دولتنا كان اقول معذروني فجأه جاء ضغط قوي لكن السعودين يتازيدون وتأتون تاخذون احصائيات من بيوتنا وتعرفون كم هو النمو السكاني والله العظيم ان الشركة لم يكن هذا مبررها بل مبرر غبي جداً جداً

برضه أقول: ارجع واقرأ الكلام اللي فوق لأنك تكرر كلامك, وبعدين مين قال لك أن الشركة تجي تأخذ إحصائيات النمو السكاني؟ ,, ما تلاحظ أنك تحتاج تعرف أشياء كثيرة قبل لا تتكلم؟

اقتباس لا حبيبي انا اخالفك انا لدي عمار واعرف فيها المقاولين موجودين وكثر لكن قل المقاولين القله هم (الرخيصين) ولاادفع يجيك ياخوي لو اجيب لي طاقم عمل وكادر من خارج السعودية الشركة مهب عجزه عن هذا

حلو هالكلام من جد,, ادفع ويجيك !!

طيب لو فرضنا ان كلامك هذا صحيح(مع أنه غير صحيح) سوت الشركة مشروع بتكلفة مضاعفة ثلاث مرات, ما تجي أنت وتقول هذا نطل وسرقة وقلة تدبير وهلم جرا من هالكلام.
أما سالفة أن الشركة تتعاقد مع شركات من خارج المملكة فهذا إن شاء الله إذا دخلت المملكة في منظمة التجارة فممكن, أما في نظام وزارة العمل الحالي فغير ممكن,, أنت هالحين عندك عمار زي ما تقول, المفروض انك تعرف نظام وزارة العمل.

تقول:

اقتباس يعني تبي تقنعني .. انكم حاولت ومسكتوا سرا في طابور الكابلات وقالوالكم خلص؟ ياشيخ ودي أصدق بس مخي قال مهبول انت فاستحيت اصدق بصراحه طيب ليش مانناضر الدول الأخرى ؟ وشلون أخذت الكيابل هذه ؟ ولم يطفى الكهرباء عندهم صيتنا في الخزي على انطفاء الكهرباء وصل للهند الله يفشلكم

الشركة مستودعاتها مليانة كابلات ولا عندها أي مشكلة, المشكلة المقاولين اللي يمسكون المشاريع الجديدة يتأخرون بسبب عدم توفر المواد,, وبما أن مخك عيا يصدق تكفى اسأله ليش النحاس دبل سعره سبعين مرة,, وبما أنك راعي عمار - ما شاء الله عليك-, بكم لفة أسلاك الكهرباء 6 ملم؟ هذا مثال عشان تستوعب وإلا هو ما يقارن بكابلات النقل 132 ك.ف. XLPE, من حيث التقنية وقلة المصنعين حول العالم.
أما أن الكهرباء ما يطفا بالدول الثانية, فاستثني منها دول الخليج لأنها دول صغيرة وكلها مجتمعة تقارن بالمنطقة الشرقة والرياض فقط من المملكة, وعطني دولة وحدة تصل درجات الحرارة فيها مثل السعودية, وفيها نهضة عمرانية مثل السعودية, ما يطفى الكهرباء عندهم. أتحداك !
تدري أنه في مؤتمر بالصين كان المندوب السعودي يستعرض تطور قطاع الكهرباء في السعودية فلما قال أن مجموع التوليد في السعودية يقترب من 40 ألف ميغاوات, ضجت القاعة كلها "أووووووووووه" وكانت كل التعليقات تدور حول: وش تسوون بالكهرباء أنتم؟

تقول:

اقتباس ههههههههه حبيب قلبي ممكن تقولي شركة الكهرباء .. كم تعد اكبر شركة في السعودية وكم في العالم إنها الثانية بعد ارامكوا من الغبا تجي للموضف تقوله نبيك تكد مليون ساعه بـ 1500 ريال إحمد ربك إذا ماتفل بوجك اضربوا رواتب صح وبدلات فأنتم شركة خاصة وليست للدولة مثل ماصرحتم اضرب بدلات زيادات والله مايطلع الموضف منك انا لو اجيب اخوي اصغير يمسك ادارة الشركة كان خلها أفضل شركة بالعالم

قلنا أن الشركة لا تستطيع المجاراة نظراً لكلفتها التشغيلية والإنشائية العالية إن كنت تفهم ما معنى الكلفة التشغيلية والإنشائية, واتجاهها في هذا المجال حثيث. أما أخوك الصغير إن كان يفهم في هالمجال فخليه يساعدك على فهم الصورة كاملة لأنك بحاجة أن تفهم صدقني.


تقول:

اقتباس كذب التخطيط لم يدأ أبداً والتزايد العمراني ليست حجة لكم فلو ذهبت لستشفى شهار حق شركة الكهرباء لقالوا لك نعم ان السعودية في ازدياد في عدد السكان ولو كانت الشركة ماتنهب دراهم (لكنك ماتقدر تصرح) لكانت عمل خطة خمسية ولوضعت مولدات احتياطية تستطيع تغطي افريقيا بأكملها وتستطيعون على ذلك قلي بالله لماذا الدول الأخرى لم يطفى الكهرباء لديهم ؟ لماذا فقط السعودية ؟

اقرأ تقرير وزارة المياه والكهرباء أعلاه, أنت بحاجة لمعرفة أشياء كثيرة من جد قبل ما تكذب أي شي بناءً على هواك ومن دون أي مستند علمي.
ايش قال, قال: مولدات احتياطية تغطي أفريقيا بأكملها
تدري اللي بأولى ابتدائي ايش سواليفهم؟ أبوي عنده فلوووس كثييييييييرة لو يبي اشترى المدرسة والمدرسين وسياراتهم كلهم ووو.

اقتباس اي أخوة ؟ انتم خليتوا فيه اخوة الله يلعن من كان السبب اللهم يجعله في قعر جهنم انا أول من يشغل جميع الأجهزة في البيت ولن أراع هذه الإرشادات وكل ماقلتوا هالكلام وانذليتوا بعد ماكلتونا أكل بالفواتير تقولون اخوة الله يلعن الأخوة اللي تجي من ورا هالكلام حنا يابا لسنا في اولى ابتدائي ولا بالروضه تلعب علينا تاكلونا الدراهم وتقولون قللوا تخربون مكيفاتنا وثلاجاتنا واجهزتنا وتقولون قللوا؟ والله العظيم لو بيدي ذرة من الأمر والله ما أغلي ولا لمبة في جميع البيوت حتى مراوح الهوايات لا اشغلها واي شي يسبب لكم الإزعاج لا اسوية ماوقفت على الفاتورة كل عمرنا نسددها غصبن علينا عسا من اكل هالدراهم يحدرهن موسة حلاقة وشضايا قزاز على الأقل في هذا الوقت ليش ماتحذفون الفواتير وتقولون ارشادات

لا تتحمس,, كل كلامك اللي فوق يعبر عنك, وعن وعيك, ومستوى ثقافتك وراح تحاسب عليه, وصدقني ماراح تروح ضحكة. (وهل يجر الناس في النار على وجوههم إلا حصائد ألسنتهم) فانتبه شوري عليك !

اقتباس أداؤها أفضل مانبيلكم أداء إذا هذي ادائها افضل 30 سنه يامجرمين 30 سنه وتقولونها وبي فخر والله قمة التخلف لا والله مهب أفضل قولو مادامه تشتغل وشوله تغير والدراهم بالمخبات ودخلنا بالأسهم وراحت وحنا الضحية وبعدين الغبي اللي يشتري شي ويعرف ان مافيه قطع غيار الحين مادام الغيار مهب موجود ليش ماتغيرونها ؟ جعلكم للفقر

إن كنت قرأت كلامي بتمعن ومريت على التقرير, فصدقني أكيد تحسفت على كلامك هذا, لأنه يفشل من جد.

اقتباس تقليل التكاليف؟ لا قل لأن الدباشة ركبتهم ولا شركة كبيرة تسوي هالسوايا وكل اعتذار اقبح من اللي قبله قسم بالله

وكم من عائب قولاً صحيحاً . . . وآفته من الفهم السقيمِ

اقتباس هههههههههههههههههه شكلي ابنقل هالنكته لقسم كشكول ياعمي انت تقول اشياء البزر مايصدقها كم مواطن عندك ؟ كم بيت مفتوح كل بيت 100% ان عندها كهرب رسوم عداد وفواتير ونقل ومادري ايش تقسم الظهر هذا غير دعم الدولة والأسهم ياشيخ طير

ياحبيبي روق شوي وفكر في الموضوع, وراجع التقرير ولا تقعد تسوي فيها فاهم وأنت ما عندك سالفة, قل لي كم فيه من عداد مركب في بيوت الناس برأيك؟ هل عندك القدرة تقرأ تقرير الشركة السنوي اللي تصدره شركة محاسبية محايدة؟
أعلم أنك لا تعلم, ولكن هل عندك استعداد تتعلم؟

اقتباس يعني إذا جلست على الكمبيوتر وطفى الكهرب اقول إشاعه ترا الكهرباء ماطفى اشاعه همن اقعد قدام الشاشة السوداء ايقالي اتصفح الانترنت وانا اقول اشاعه ههههههههه شي نشوفه بعيوننا ونحس فيه ياعمي اي اشاعات وخرابيط طيب سؤال من يعوضنا في الأجهزة العطلانه والمكيفات الخرابنه ؟ لا احد

أنت افهم الكلام بعدين رد عليه , الله يوسع صدرك من جد.