[الـصـمـصـام]

[ الحلقة الأخيرة ]



::: التهجج عن السواق .. أنا و أخوي :::


الصراحة هالحين هذا اللي صفينا عليه ، و الله ياهو يبتل يهرج .. و سالفتن تجي و سالفتن تروح ، عاد ما ندري صدزه من تسذبه ، بس ما أدري وش جايه منتالي يدور أقرب واحد و يسسسسستلمه سواليف و أسئلة ..

يعني عادي يدق عليّ أخوي يقولي : أنا عند الباب .. همن يقعد له نص ساعة مادخل البيت ..
ويييييييين الناس ؟ يقول والله حاجرن السواق قاعد يسولف

و ما يمشي عنده التلميح .. يعني تقعد تناظر الساعة .. تدوس بنزين .. ماااافيه .. متعنقط بالقزاز ما والله يتزحزح عنه إلين يقضي كل الهرج اللي عنده ..

المشكلة أحيانا أصير طاااااااااااااااير أبروح للمسجد .. و يجي و ينادين .. لاااااااااااااااحول
همن تفوتن الصلاة .. و أنا أقول يالله يالله مشينا .. صبر صبر

قبل كم ليلة أهلي نسوا غرض بالسيارة .. و جو لمي يقولون رح جب غرض من السيارة
لااااااااااا تكفون .. ترا والله لو ألقى السواق لا أديور .. منب فاضي له يقرق علي والله ما أرجع إلا بعد ارتفاع الشمس قيد رمح <=== أجدع لك يا ابن قدامة
و اروح ماعلي نعال عشان ما سمع خشخشتهن همن يفتح الباب وش يبي يرده عاد عن السواليف ..

طلعت امشي حبة حبة .. و فتح باب السيارة بكل هدوء .. و القط الغرض اللي يبونه .. و ادخل البيت ..
هماااااي دخلت عاد ... اصصصصصصصصصصصصصصصصصصصبخ بالباب خله يهرج على روحه

عاد آخر شي توصلنا له أنا و أخوي .. إننا لا بغينا ندخل البيت .. يحط الواحد جواله على أذنه <=== إيقاله يكلم عاد هو لا شافك منتب يمه ديور ..


لعبنا عليه .. و عسانا نسلم ..


^
^
^
ترا كل اللي راح حقيقي .. لا تحسبونن أستهبل ..


عاد يا أخوان المسلمين السيرلانكيين مضطهدين من حكومتهم ..
و عندهم فقر و حاجة .. و تراي موسعن الصدر مع هالسواق .. صايرن ما يحتاج من الزملاء ..
و الله يعيننا عليهم و على أداء واجبنا تجاههم ..


مع تحيات أخوكم / عبدالله