[أبورائـــــــــد]

ياسلام عليك يابوريم ، هذي المواضيع ولا بلاش ..
سلس ، حلو ، خفيف ~
>> طراه ان بعض المواضيع تحس انه برعاية الحاير ..

الإحصائيات هذي مدري من الجهة المسؤولة الي قاعده تتبناه !!
يعني سالفة ان 80% من حوادث السيارات سببه المدمنين !!
خير ان شاء الله .. بديت لا شفت حادث ولا واحد راقين رصيف أوايدز تحت الموتر أدور حبوب كبتاجون ولا إبر هروين ..

بعدين ما أذكر أحد جاء لبيتنا قال كم عندكم عانس وكم بنت تدخن وعياالكم الي يصدمون هم يجرعون حبوب ولا لا ؟
>> الله يرحم امك لا عمرك تطب الساحة المفتوحة !


أنا اثق بالإحصائيات النتيّة .. الإحصائيات الي تتبناها صحيفة الرياض أو موقع العربية أو موقع قوقل العالمي ( زي الي تقول ان كلمة سكس هي أكثر كلمة يبحث عنها المستخدم العربي ، والله يالشعب منتهي )

أبوريم ، بغيت أرد أقول ببساطة " ما احب الإحصاء "
على نهج ردودك الاستفزازية الي تقول " ما احب الشعر "