[الفـــارس]

اقتباس المشاركة الأساسية كتبها على الساقي وينكم يا للي ما تختشون فتى المدينة يتعب يلحن ويضبط المقام ويراعي السلم الموسيقي ويسجل ويهندس ويرفع على رفوف << آمن وسهل وبالنهاية مافيه ولا رد !! والله ناس ما تقدر الجهود ولا تستاهل انك تقدم له شي أقول فتى المدينة لا عمرك تسجل لهم شي تراهم ما يقدرون ولا يعرفون مدى تعبك وبذلك

أولاً : الصوتيات والمرئيات ليس مكـاناً للاستهتار والتنكيت ..
ولا أدري مالفائدة من تكرار الموضوع وإنزاله مرة أخرى ؟!


يا اخوان ..
الصبر ملّنا ومليناه !
والتنكيت له حدوده، وكل ما زاد ملغ !
وبتلنا نراعيكم، ونقدّر أعماركم وتعبكم !
لكن والله ملينا ! زهقنا !
كل مادخلنا المنتدى نبي الجديد نلقى هوشات، واستهتار، وتنكيت !
وتكرار مواضيع وأناشيد بدائية تفشّل !
شجعنا لعل الوضع يتطور، ما نفع !
من سيء لأسوأ ! ومن تسجيل بمايك أبو عشرة إلى تسجيل بالجوال !!
احترموا عقولنا وأذواقنا الله يرحم والديكم !

كـان بريدة ستي مضرب مثل للإبداع والأصوات الزينة ..
الآن الله يخلف ! يا أناشيد مثل الأغاني وإلا مهيجن يحوم الكبد !

يا جماعة ما أبي أجرح أحد .. ودائماً أحرص على إني أشجّع ..
لكن من 6 شهور والحال من ردى لأردى !

مشرفين الصوتيات يعدون المسابقة الثالثة من شهر 1 ومكتمله له الآن 4 شهور
وكل شهر نأجلها زيادة للوضع اللي يمر به القسم !
قسم بالله ما ندري وين نودي وجيهنا من الإحراج اللي نلاقيه !
يعني مكلمين راعي جوائز قيمة جداً للمسابقة
وأتحدى إذا منتدى سوا مسابقة إنشادية وقدّم مثل جوائزنا ..
كذلك راعي فضائي .. قناة فضائية كاملة مشهورة
بتمسك رعاية المسابقة والإعلان لها وكل هذا جاء بعد خطابات وجهود وتجديع وجيه !
لكن الوضع بالمنتدى دمااااار .. يفشّل بمعنى الكلمة !
ورب الكون ملينا ! وكل ما قلنا بيركدون ويعقلون كملوها !

أعرف كلامي جارح للبعض ..
لكن آسف .. واللي خلقني إنه كله حب للقسم وللمنتدى وحب لكم أنتم !
أبي تطور .. أبي إبداع .. أبي منافسة للمنتديات الثانية !
أرى إننا ما قصرنا بالتشجيع، والحوافز، والتثبيت، وإعطاء الموضوع حقه !
لكن وين التقدير منكم يا اخوان !

نبي نقد هادف للتطوير ..
مانبي تجريح، ولا نبي ترفيع !
كل هذولي يطيحن المندى للهاوية !


كلامي هذا لن أُعاود قراءته ..
وعارف إني بندم عليه .. لأني أحبكم ولا أبي يطلع مني هالكلام عليكم ..
لكن حسبي منه التطوير والرفع بسمعه القسم والمنتدى !


وتذكروااااا بأن العتب من المحبة !