[غريب وبين أهله]

السلام عليكم ورحمة الله وبركاته /
قليل جداً أكتب بهذا المنتدى الجميل وأغلب مشاركاتي فيه قراء وردود
لكن بالله ابداء مستعيناً


وش رايك أخوي / أختي في الله إذا كنت تمشي بالشارع وليقت سكران ما العمل المطلوب منك ؟

بصراحه كثير تحصل لي خاصة ليلة الخميس والجمعة ما أدري ليش يمكني علشان أروح لأماكن الشباب أو صدفه كذا وقبل كم يوم حصلت حول الحارة صليت الفجر بمسجد بعيد شوي علشان أمشي
( الأخو رياضي ) وانا راجع من الصلاة شفت المذكور أعلاه
وقبل فتره طلعت من استراحة شباب ومشيت شوي وإلا أحصل سكران مغرز ويقول تكفى اسحبني والرجال من قوت إنه سكران ما يقدر يوقف على رجوله لا زم يتمسك بشئ وأنا أكا اليوم مستعجل دقيت على الشباب وقلتلهم اطلعو من الاستراحه وشوفو الرجال راح واحد لمه والثاني طوالي للمحطه يجيب لبن ويوم جاء للسكران وعطاه اللبن عيا يشربه يقول ما ودي افك

ومره لقيناه أيضاً مغرز ويوم جينا حوله شكل الرجال ميكانيكي يقول ( المكينه تبي توظيب وإلا شوف الجنط )

والمواقف كثيره الله لا يبلانا ويستر عليهم ويهديهم .
لكن :
1- هل أبلغ الشرطه ويجون العساكر ويخاذونه وإذا فك وصحا تعهد ويطلع بسلام ؟
2- أو أستر عليه وأوديه لبيتهم وأدبر أحد يسوق سيارته ؟
2- أو أمشي وأخليه يروح بسلام ؟
4- أو نعطيه لبن ويفك والسلام عليكم ؟

ارجو ابداء الرأي حول ها الموضوع لأنه بصراحه محيرني ...