|
محمد حسن حدعش
انت الحين .. مايعجبكم العجب
ولو مافيه مهرجان
قلتوا ومين المهرجان
حطو لو شي يمشي
ولو جاء شي يمشي قلتوا يحوم الكبد
ولو جاء شي زين قلتوا فيه ناس تقل بنات
ولو حطو ناس كشابير
قلتوا فشلتونا .. اللي يشوف المسرح من خارج بريدة .. يفشلنا مالقوا ازين منهم
ولو جابو ناس جلفين وشينين بالقرية الشامية
قلتوا ماتنطبق
وغذا جابوا قريب منهم قلتوا يتميلحون
ولو جابو قرية النجدية قلتوا مسروق ولا نرضى نشوفه
ولو غير الثقافه
قلتوا وثقافتنا وين راحت
ولو كل سنه يحطون لثقافتك اللي تجيب الطاعون
قلت ملينا ماعندهم جديد ؟
ولو جابو جديد قلتوا ماصغين ايقالهم ينكتون
ويالله
انتم مايعجبكم العجب
يعني الرجال يتعب ويقوم ويدهر كل يوم ويستعد
ازين من اخلاقك ووجهك ياللي كل العطله نيم وإذا لقيت اعلان بالشارع تروح تدور الأخطاء والزلات
هذا بدال ماتجي باسلوب وتقول
اليحيى جزاو الله خير .. قدر بريدة وحاول يفتح مجال اوسع ويغير بالثقافات
لو كانت محصورة لثقافتنا كان افضل واجدر ولدعمناو معنوياً ومادياً ..
مهب تجي فاجن خشك ايقالك المخرج بول تي
ياحبيلك انتم ماهنا سلامه منكم
والحمد لله والشكر ان اليحيى مايسمعك الله يفشلك
واشوك مانتب بالمهرجان ..
والحمد لله ان الله سخر لمهرجان بريدة أكفاء مثل اليحيى
مت بغيضك
__________________
|