[حَنِيني لِطيْبة]

اقتباس بصابيص .. // هههههههههههههههههههه صراحه أنا بعد أخاف من البساسه السود وعيونهن سوود بعد يممممممممممممه عاد أقولتس .. إذا شفتي بسه أو كلب أسود قولي [ أعوذ بالله من الشيطان الرجيم ] وإذا رحتي لمكان تخافين منه زي بالبر أبعدتي عن المخيم وظلاااام قولي [ بسم الله ] و [ أعوذ بكلمات الله التامات من شر ماخلق ] ولا تنسين تقرين وردتس كل يوم عاد أنا أستـآآآآآآآآآآآآآآآآآآآنس إذا لقيت بسه طبيعيه << يعني مهب سوداء أبدأ ألحقه .. ثمن ,, (( تعرفون صوت البسه لا صارت حمقه .. )) أبدأ أقلد نفس الصوت ,, وأنا ألحقه أطلع الصوت عاااااد ما تشوفين إلا غبار البسه .. ههههههههه أصلاً لا لحقتيه بتخاف وش عاد تطلعين صوت البسه المستشره عند معشر البساسه أنا أخاف لاصرت بمكان بلحالي وظلماء وطلع صوت مثل طرقه (( يعني طقة وحده بس )) وأنا بلحالي مابوه غيري والله يانا أذرررررررررررررق ههههههههههه خلاص هونّــــآ كل وحده تحط واحد بس من مخاوفه << عشان ماتقولهن كلهن .. عاد تصدقون .. أنا وبنات خالاتي جزوووومااات يعني أنا بس جيبي وحده معي تجسرن وأبدأ أنا اللي أطلع الأفكار الجنونيه أصير مهبوله .. شجاعه .. اللي تبين مرررة ومنب أتسذب عليكن وقسم بالله إني منوول (( يوم حنا مبزرة )) أنا وبنت خالتي طلعنا عن المخيم عشان به مكان صغير على شكل دائرة بوه ماء << يعني مستنقع بس مهب أخضر مستنقع كبيرة عليه وبحيرة ماتليق عليه بعد .. يعني وصخ نظيف ورحنا له وهو برى المخيم .. يعني مهبببببببببل المهم أبطينا شوي قالت بنت خالتي : وش رايتس نرجع أخاف يدرون بنا .. << وهم فعلاً لا دروا بيهوشوننا شر هوش قلت : لا إصبري شوي وناااسه ونعقد ونبطي شوي بعد قالت : خلينا نرجع بيهوشوننا << يعني أصلاً ماهمنا يخافون علينا المهم لا يهوشوننا قلت : أولاه تفين خلنا نقعد شوي بس ونرجع المهم ونبطي .. كنا العصر يوم ذا ويمر راعي ومعه ولده ومعه بعارين تحسبيننا خفنا لاااا بالعكس ناظرناهم شوي وجي نقعد نكمل نجدع الحصى ويطلع صوت يجنن .. نجدع حصى صغار ثمن يطيحن ورى بعض ويطلع الصوت متدرج صوت جدعهن يجنن المهم يوم ذا أبطينا بعد وقالت لي بنت خالتي خلنا نرجع وأنا أماي مكيفه ماودي قعدنا شوي .. جا أخوي وخواتي لمنا بالسيارة << ياويلي يدوروننا وقالوا : ماشاء الله عليكم وش مطلعكم عن المخيم وموديكم هنا ؟؟ << حمممقيين جينا ركبنا وودونا للمخيم وجانا هوش رائع من الأهل والخالات بس وناسه تخالفين وتصيرين جزومه وماتخافين .. << قولي وناسه النجاسه عاد ماتبنا بالليل رحنا مع بنات خالاتي الباقيات وصرنا 5 بنات بس يوم بقى شوي ونوصل رجعنا .. بس يعني حنا يابنات خالتي مانتوب وجزومين (( بس تراي منب يقالي أدعدع أقول إني جزومه وشجاعه تقولين ماشاء الله علي بس .. أنا أصير جزومه لا جاء أحد يجسرن وخصوصاً لا صرت مع بنات خالاتي بس إذا صرت بلحالي أذررررررررررق ))

ياحبي لـ قلبوبتس بعد....