أقول الحمد لله ان بريدة حبيبت الكل تسد جاه وقت أزين من كل هالصور
شكلك ما شفت الربيع الي قبل العام
صدقن أن تثولث
أجل المطر الي قبل ثلاث سنين
وإن شا الله هالسنة يبي يصير به خيرات عسا الله بس يرحمنا برحمته
ويزين الجو وتنضبط بريدتنا
**** يالله ياكريم ****
أجل صورة الثلج
حنا صح ما عندنا ثلج بس يالله لك الحمد قبل أضنه خمس سنين
جانا برد يحبه قلبك
والله العظيم ما أنساه أننا ما نشوف الارض من البرد
ومرتن واقفن عند باب مسجدنا
أومير يطلع المذن منطلق يبي يصك الكنديشة الي بالحوش
يخاف تحترق
وهو طالع ،،، والله ويفتر ساقه ويمصط على ظهره
وأنا أناظره وراء البراده وميت من الضحك
وهو ياويلي هالشويب يتلفت يمين ويسار يحسب أحد شافه
ما يدري إني صافط وراء البراده ضحك
عاشت ايامه هالشكشوكه D:D:D
بس أعلمك ما مصط إلا من كثر البرد
صايرن تقل طابن بوسط فلين توهم معضعضينه بزارين :D:D:D
أجل هالصورة ........
قسم بالله انه بالصباخ
وشلون عاد لو هي بسلطانه <<= = هالدرو يحسبه على الاحياء :D:D
______ تبلش بالدرنقة :D:D
أقول يا خلفهم
بيني وبينك
شكلك ما مريت على المناقع
ألله أن تدوخ
عاد ترا الدوخان يمر على حالتين
حالة من الزين ووخر بس
وحالة من الريحة والغمته
عاد انت افهمه واللبيب بالإشارة يقطعه والدولة من خلفه وسلنتح من قدامه
وأيـه
وسلام :D:D