[دعبل نجد]

أردت كتابة مقدمة فوجدت أن النص لا يحتاج الى مقدمات مع اعتذاري لاهل النقد والادب !!

الاهداء الى كل من يأمل ان يعيش بعمر نوح وبمال قارون !!
[poem="font="arabic transparent,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]إن عودوا يمي لقوني على العهد = وان ابعدوا يا علِّهم ما يردون
خبري ما اصيد الا عريبات من جد = انقى الجزال اللي لها ما يطولون
وش حلل الصاحب يجازين بالصد = ياشارب الما اشرب الما على هون
يمكن تلاقي قشاش واهوال ما تعد = كاس العنا من دون في دون في دون
ما اشره عليهم شرهتي على احمد = حسبة اخو ولكن القوم يعدون
اببلعه والا اركنه في جال او سد = الله غفور وسوو اللي تسوون
طبعي كذا ما اجازي الصد بالصد = ما هو غلا كلا ولا نيب مفتون
احمل هموم لو هي على طويق ينهد = وحزني تركته بين الاضلاع مسجون
آمنت بان العبد ما ينفع العبد = لو هو وريث لكامل املاك قارون
يا حامل المسحاة كبر لنا اللحد = وسع لنا منزل عن الناس مكنون
ساعاتنا وايامنا وانفاسنا تعد = آجالنا تفجع وآمالنا تخون
نبحر من الشاطي على قارب المهد = ونصارع امواج عصيبات وفتون
بعد الشقا نا صل وناقف على الحد = والقارب اللي شالنا صار مدفون
وتسلَّم ارواحنا من يد لا يد = وكلن بما سوى بدنياه مرهون
هذي نهايتنا وكل شي له حد = باكر لزوم نموت مع اللي يموتون [/poem]

.
.
.
.