[سعفة]

وإياك يا عمري يا حيات الشقاء أنت يا خلف خلفهم


عاد المشكلة اني حبيب مانب أقولك خذ هالرابط وعطن توقيع

بس عاد ليته تجي منك وتتبرع لي بتوقيع يصير مزيون ومملوح
أنا رجالن على ماقال أستحي ولا ودي أطلب من أحد
ولا ليتك تسذا لا صرت بس يعني مثلاً تقريباً يعني إن حصل ولا هيك ولا هيك وقدرت بس يعني وقت من الاوقات انك يعني وحنا يعني ما ادري وشلون يعني أوصف لك انه سبحان الله العظيم من الحياء الله لا يوريك الكريهة انه سبحان الله العظيم مستحي ولا والله العظيم ودي اني قلت كل هالهرج بس يقولون ما للصلايب إلا اهله انا داري انه ماله دخل بس يا ألبي ابيك تكفا والي يرحم والديك انك تتبرع علي لو بس هالمرة يعني الناس كلهم عطيتهم تواقيع وتبرعت لهم وتزين لروحك وانا قايلن لك والله العظيم بالرسايل الخاصة لو سبحان الله وخرب الرابط اني اقدر اسوي لك الي تبي تحميل فيفادول ولا غيره ولا جلسلويد ولا أي شيء من الصيدلية تراه عند باب بيتنا داري تبي تقول وش جاه الاخ خذرف الله مير يخلف بس الحياء يسوي اكثر وانا اخوك الصغير ،،،، أيه هين صغير احلق شنبي بس والله العظيم ودي أبتل اهرج علشان تنسى وش انا قايلن لك صح اني قايلن لك ابي توقيع بس الشكوى لله صارن خدودي حمر من الحياء
اجل وش يقرب لك ابوحياء ... شفت وشلون .. شفت ولا كنترول
مستهيش الله مير يجزاه خير ياالله عاد يا ألبي لو بدال ما تقعد تقرا كل قرقي رايح ومسوين لي توقيع ان تسان أصرف لك ولا لا يا عيال أنا داري انه الا بس عاد الشكوى لله
عاد يقولون لو تمسح الشكوى لله وعاد وذولي هالكلمات ما طلع هرجي ولا صطرين بس عاد الشكوى لله وانتبهو تضحكون انا والله العظيم ما ودي أطلب من احد اخاف الاه مشغول ولا يخاف اني اقول انه مهب زين التوقيع ولا شيء لالالالا لا تخاف ان شا الله ان زين
ولا صار مهب زين لا تخاف مانب مجامل ابوقولك شين ولا تخاف بس انت سوي لي توقيع زي حقت الي تحت ذي الخضراء وانا شكلك ما تدري اني لي سبوعين تقريباً وانا اتطلب العالم بس ماودي اصرف احد تسذا عينه بعينه اقوله رح زين لأنه يبي يستحي وهالتوقيع وانا اقول للعالم يا عالم يا ناس شوفو لي صرفة شوفو لي دبرة من بعيد لبعيد بس معليش هالمصممين طرمبات ولا واحد يفهم الا انت يا المثنى جرافيكس فاهم ورجالن اتكانه
تبي تقول وش يبي سعفة والله العظيم انه كاتبن مذكرة تاريخية عنه اعوذ بالله من ابليس وعيال عمه ايوالله خلاص يعني نقول والسلام عليكم يعني نقول ان شاء الله انه كله يومين او ثلاثة ونشوف التوقيع منرز بس ترا ان تسانه مهب زين ما علي منك ما نب حاطه اعوذ بالله وش انا كاتب اثري باليه ومطينه الله يخلف على الامة الاسلامية لو انا كاتبن نصيحة ان تسان ما تعدت سطرين بس الواحد لا بدا يخذرف على وقت صلاة العصر يوسي أردى اللهم لك ووالشكر استغفر الله العظيم يالله يا علي اشوف هالخشيشية بالجنة تآمرني بحاقة ولا حاقة ولا ماشيات ولا شين ولا سلف دراهم ... داري شكلي ابقول اقطعه ولا انت شكلك تبي ترد على الرسالة تبي تقول رح بس لا عادت الله على هالرابط الي فرحن به جاين تطلب من توقيع
الحمد لله على حال يا ألبي داري انه طالت وهي عاد ما تحتاج كل هالتطويل بس الدنيا يقولون يوم لك ويوم عليك وانت تراه مغربية وتقدر تقضي لا تقعد تمن علينا تحسبنا عاد خلاص مالله يا ألأبي مع السلامة بيبيباي بالانجليزي قود باي .................. /ـ/ـ/ـ/ــــلام
انتهى كلامه رحمه الله سعفة عبدالرب آدم فيثاغورس <<== يقاله ما ينفس رياضيات :D