[~آمــــــال~]

السلام عليكم

ياحيا الله بنات المنتدى..رجعنا لكم بسفر رمضان ليوم3و4/10/1430

اليوم الثالث..

الفطور..قهوة وتمرـ لقيمات ـ عصير طبيعي تفاح ومانجو ـ قشطة






العشاء ..
كريمة وجلي..



شوربة كويكر بالدجاج والشعيرية..




قرصان بالشاورما ..صراحة كلمة طعمه رهييب قليل بحقه..أذكر أخذت طريقته من بنت في بريدة سيتي ماأذكر الإسم لكن مانسيتها من دعواتي فعلا كل من ذاقه جازله..أنصحكم فيه واللي يبي طريقته يخبرني أكتبه واصوره ..






اليوم الرابع لشهر رمضان ..

الفطور عند حمولتي الله يخليهم لي>>تتمصلحولاصورته..

العشاء..

هذي صورة للسفرة كاملة..




هذا حلى العشاء ..وكالعادة من راسي مطلعته لكن الحمدلله ضبط معي وطلع طعمه جنان..



طريقته..بالخلاط علبة قشطة ـ كريمة ـ تويكس خمس أو ست حبات
يخلطن بالخلاط واذا تكاثفن تجيبين الكيسان وتأخذين حبة اوريو وتغمسينه بحليب وتحطينها بالكاس بعدين تصبين شوي من الخلطة وتكسرين عليها بسكويت شاهي ثم تصبين كمالة الخلطة وتزينينها بالأوريو..وتدخلينها الفريزر لمدة ساعة..وبالعافية على قلوبكم..


رز .. مع دجاج بالكاري ..لذيذ طعمه جدا وسهل ربع ساعة وأنتي منتهية..




حمص + قرصان بالشاورما نفس حقات أمس..



خضار مقطع..>>للي مايعرفهd



يابنات رجاء أي وحدة تبغى تستفسر عن أي شئ تخبرني وإذا مافهمت تعلمني أنزل لها طريقة الطبخة بالصور..

وأذكركن خواتي أن هذا الجهد وضعته للإستفادة وأن من تستفيد تدعوا لي بظهر الغيب..

محبتكم..~آمــــــال~