[غربة الخاطر]

يا ستير استر يا رب ..

كل هالهوشات وكل هالكلام اللائق وغير اللائق !!!

والله أنا مستغربة من بعض الردود اللي ما كأنها من بنات !!!

ياناس شوي شوي..

القصة صارت وانتهت..

للأسف البعض من الرجال يحقر أم عياله ويروح يآآآآآخذ عليها سواء سعودية أو غيرها..بآخر عمره..

طيب .. اللوم ما يقع كله على الرجل ولا كله على أم العيال..

ما فيه أحد ما غلط..

وبعدين حتى الأجانب بشر .. فيهم الصالح وفيهم الطالح..

وأشوف أكثر الردود تعم الأجانب كلهم بالشين .. ومثل ما المجتمع السعودي فينا الأصل وغيره حتى الأجانب فيهم الأصل وفيهم غير الأصل.. وأكثر بنات الأصل ساكنات القرى .. لأنهم يعتبرون أهل المدن فيهم تسيب وقلة الاحتشام..

يعني مو كل من أخذ من قرية يعني إنها مو أصيلة .. لا يا أخواتي لا تغلطون على المجتمعات الغير السعودية..

و : كلمة الأجانب تطلق على من ليس بمحرم لك.. سواء سعودي أو غيره..

و : يا كم وكم من سعودي ما اخذ أجنبية إلا بعد ما حسرته به مرته ..

و : اصابع يديكم مو واحدة.. مثل ما فيه سعوديات زينات وأخلاق فيه اللي العكس تمام.. وكذا الأجنبيات بعد فيهن الزين وفيهن الشين..

و : أنا شخصيا أعرف كم واحد مآآآآآخذ سورية على أم عياله وعادل بينهن .. لأن أهم شيء الرجل نفسه إذا كان رجل صدق ووقف كل واحدة عند حده .. يقدر يعيش صح.. أما اللي يميل فهذا اللي يجيب البلاوي لنفسه وعلى غيره..

و : والله أعرف سعوديين أيضا اصل وفصل ومركز و أم العيال أجنبية .. مو قدح بالسعودية بس هم باغين يأخذون أجنبيات.. وعيلن وعايشاتن معاهم هنا للحين ولا طلعن القرون اللي تقولون..وموفقين ما شاء الله..بحياتهم لا سحر إلا السحر الحلال.. الحمدلله.. واللي ما تخاف ربها أكيد راح تطلع قرون ..سواء سعودية أو أجنبية..

وفيه اللي ما خذ سوريات وغيرهن على أم العيال وحاطن كل واحدة بالبيت .. عن المشاكل والغيرة..

واحد من محارمي ( سعودي أصل وفصل وجمال ودلال وثقافة و ابن عيلة وناس مو أي كلام ما شاء الله تبارك الله)

أخذ سعودية بنت اصل وفصل ومتربية هنا لكن يا للأسف طلعت منها بلاوي.. وصبر عليها 3 سنين وهو ينصحها ويعظها وآخرتها هجرها بالفراش.. ولا تغير فيها شيء.. ويوم شاف الحال المايل طلقها .. وأخذ أعجمية يعني مو عربية .. وطلعت ما شاء الله حافظة قرآن وبنت حسب ونسب وجمال ودلال وعلم شرعي وثقافة ما شاء الله وأهم شيء تخاف الله .. ما شاء الله عليها..وتعمل في مجال خيري.. ولا ترهق ظهره بطلبات ما لها داعي ولا بسفرات..

وملخص الكلام .. المسلم أخو المسلم.. وأنا ما يعجبني أبد إني أشوف اللي يمثلون المجتمع السعودي بثقافتهم وجنسهم إنهم يتكلمون كلام وألفاظ بشعة على غيرهم.. ولا تنسون ترى النت أي واحد يقدر يدخل ويشوف ردودكم ..

وأنا يوم قلت في ردي السابق .. الله أعلم يمكن بعد ساحرينه .. ما قلت هذا إلا يوم قريت الأخت مشاعر كتبت إنه جاء تعبان ومات .. لأن بعض السحر يميت .. وخاصة إنه كتب لها كل شيء .. يعني ما أحد يسوي هالحركة عن قناعة .. ما يسويها إلا المجنون أو المسحور.. وربي يصلح لنا نياتنا وذرياتنا.. وجزاكم الله خير..

فقط رجاء حافظوا على جمال هذا المنتدى بحسن الظن والردود اللي إذا ما مدحت ما سبت وشانت..

وبارك الله لنا ولكم ..

غربة الخاطر..