[طق طق]

يا أخوان لا أحد يتكلم عن مزود خدمة إلا إذا كان هو مستخدمها ولا يقول ( يقولون ) ...

أنا أستخدمت شركة زين لي سنة بالضبط وأبراجها ممتازه وزود على ذلك أن زين و موبايلي بينهم شراكة أبراج يعني ماحصلت برج لموبايلي يحول لزين بدون رسوم معينة خدمة للعميل والعكس . ( لازم تحول الشبكة في جهازك إلى آلي )

وأنا بطاقتي شحن ( شهر لك وشهر عليك ) والعرض هذا يختلف عن العرض الجديد .. السبب هو :
أن العرض الجديد إذا صار الشهر الذي عليهم أي المجاني يجبرون الدقايق مثلاً إذا كان 1.5 يخلونها دقيقتان .

انا فاتورتي ايام الإتصالات تجي من 500 إلى 400 ريال . ( بشهرين ) .
والآن فاتورتي في زين تجي من 180 إلى 150 ريال . ( بشهرين ) .

لأنك تستهلك 180 ريال بشهرك و يشحنون لك بـشهرهم 180 ريال .

لكن أنتبه لازم تشحن بـ 50 ريال فأكثر في كل الشركات بسبب :
10 ريال عليها 3 أيام ارسال .
20 ريال عليها 10 أيام ارسال .
50 ريال عليها 40 يوم ارسال .
100 ريال عليها 4 أشهر أرسال .

فشركة زين شركه كبيرة وذات خبرة في عدة دول .

وعيب شركة الإتصالات أنه ليس عندها مصداقيه في عروضها .. ينزل عرض مثل مثل dsl ويقول مجاني وتلقاه حاسبها عليك وغصب عنك تسدد وإلا يقطعون عنك التلفون الثابت .
وتجيك الفاتورة فيها زود بـ 100 ريال وتسدد ولا يرجعون لك المبلغ حتى لو بعد أشهر يسكتون عليها .

وإن راجعت يماطلون وتقارير ترفع و موضفين يكدون وآخرتها تروح .... مصلوخ .

شركة الآتصالات ماتهتم للعميل يزعل يصك رأسه بالجدار هذولا هم ربعك .