[| يحيــى فقيـــه |]

والله أنا عندي الوالد من حبه بالقهوة يقول بعد الغداء يا ولد صب القهوة خلني أهضم الغداء . بلا بيبسي بلا هم .
وفي المقابل الوالدة يارب يخليلكم والديكم . دخلت المستشفى لعمل عملية حاولوا يعملوا لها بنج والله وا تبنجت ..
سألنا الدكتور شكلها تشرب " قهوة بشراها .. قلت أنت صادق والله كأنها تشرب بايسن يارب يحفظها .

عاد في صديق لي مررررره يحب القهوة سافرت معه وتعرفون بالنادر تجد محل على الطريق فيه قهوة .
قلت له وش رأيك نشرب كابتشينوا .. طبعا أيامها ما عمره شرب كابتشينوا .. طبعاً أخذ كوب وشرب على السريع أنبسط .
قال : أبو أسامة .. قلت: سم ..
قال : أعطني الثلاجة .. " معنا ثلاجة ضغط كبيرة جدا " ..
قلت وش تبي .
قال : كلم الرجال يعبي الثلاجة كربشينوا ..
ضحكت وقلت والله ما يعبها عيب لا تفشلنا ..
قال : وش دخله ماله إلا فلوس .
قلت : كلمه أنت والله ما أقدر متفشل .
طبعاً العامل تركي ..
قال صاحبي للتركي : يا هيه .. أنت يا هيه ..
قال : التركي : نعم عمي شو بدك .
قال صاحبي : عبي الثلاجة كربشينوا ..
الرجال وقال : يا عمي .. كابتشينوا مو بالهبل كابتشينوا حق الكيييييييف .
قال مالك دخل عبي .. وراح عبأ عشرة أكواب بخمسين ريال .. يا هي طلعة وناسة كلها ضحك .
وتحياتي لك يا أبا شباصة .