[حدرج]

اقتباس المشاركة الأساسية كتبها المواطن خير ياطير رجل مجتهد في عمله (طيب وش الغريب في ذالك) بس انا ارى انه مقصـر 01- ليه ما يشغل قسم الاشعه بالمستوصف ؟؟ 2- ليه يوجد بعض التسربات الوظيفيه اثناء الدوام ؟؟ يعني قبل رمضان تجي من بعد صلاة الظهر وتجلس وتنتظر كل الموظفين مع مديرهم مع دكاترتهم لمين الساعه 1.30 ظهرا واحيانن الى 2.00 ظهراً وبصراحه اول الواصلين الدكاتره والصيدلي والبقيه يفتح الله بما فيهم الممدوح اعلاه. 3- بعدين ليه حضرة المدير يسكر بوابة المواقف امام المراجعين ويكتفي بسيارته بالموقف 4- قلة استخدام المطهرات في صالة المراجعين 5- ولا خلاص يكفي كذا لعل هادي مهدي العنزي يصلح تلك الاخطاء البسيطه وينتبه لها ويترك عنه المهايط والمدح في الشبكه العنكبوتيه الذي لا طائل منها ويتفرغ لعمله والاخلاص فيه بارك الله فيه فهو رجل ان شاء الله طيب ويستحق هذا المركز

الأخ مواطن لايشكر الله من لايشكر الناس ، والله امانة يعد مركز صحي حي الضاحي من أفضل المستوصفات بل ان مستوى النظافة فيه أرى انه أفضل من المستشفيات ، وللأمانة فقد نقل لي شخص اثق به ان مدير المركز احيانا يشتري من حسابه الخاص مطهرات للمركز .
اما من ناحية اغلاق البوابه فأنا معه في هذا الاجراء ويفترض ان لايدخل داخل فناء المركز سوى سيارات منسوبيه لأنه بصراحه بعض الناس عندنا مايحترمون النظام فتجد ناس مسكرين على ناس وبداخل المركز زيطه وزنبليطه والمواقف برا مسفلته ومريحه .
اما تسرب الموظفين فهذا لم ألحظه . وبعدين فيه ادارة متابعة مااعتقد انها تبي تحابي مدير المستوصف
اخيرا وليس آخرا اقول وفق الله مدير المستوصف والعاملين , واقول لهم ( رضاء الناس غاية لاتدرك ) رغم كل ماتقدمونه ، ولاكن القافله تسير ...........
تحياتي