[•°انكسار الأماني°•]

؛

أحب أذكر قصة حصلت لنا في الجامعة المستوى الماضي , عندنا عاملات على قد حالهن ,
فأتفقنا معاهن يشترن لنا بارد كل يوم ونعطيهن حق الدرب في البداية قالن لامانبي فلوس عادي نروح بلاش وفي النهاية وافقن .
حنا على بالنا مسلمات وكل يوم نعطيهن فطور طوال السنة بعدين عرفنا إنهن نصرانيات وبعضهن هندوسيات .
قدر الله وأسلمن نهاية العام الدراسي , عاد رحنا نسألهن وش سبب إسلامكن .
قالن المسلمين كويسين ويبتسمون لاشافونا البنات الصباح وأنتن تعطننا فطور كل يوم و كلمة فطور طالعه من قلب .
والله ماكنا نتوقع إسلامهن لإننا نحسبهن مسلمات أصلاً وأقولها بصراحة كان لنا أهداف ثلاثة /

أولهن العجز مانبي إذا خلصنا محاضرة نروح للكافتيريا بالبرد برد وبالحر حر فتكفلن فيها العاملات الله يجزاهن خير .
وثانيهن مانبي نرجع بالفطور للبيت ويشغلنا بالسيارة ولانبي نرميه بالزبالة حرام .
وثالثهن نسلك معهن لإنه ممنوع نجلس بالممرات ويقدرن يقومننا من المكان بحجة التنظيف .

وكتب الله يكون هالفطور فاتحة خير عليهن هذا مثال بسيط على النتائج المبهرة في مساعدة المساكين ومد يد العون لهم .
وأحيانا تكون على البركة مثلنا مانويناها للأسف بل كانت لمصالح شخصية فكيف لو أخلصنا النية وش بتكون النتائج ؟

الله يوفق الجميع . وشكراً لهذا الطرح أبو ريان .

؛