[رمزالوفاLS]

في البدايه أحب أسلم عالجميع
سلامُ الله عليكن ورحمته وبركاته:

أخواتي الغاليات ممكـــن تسعفوني بعلاج

شوفوأناراااااح أكتب قصة حياتي من قبل أمس
الظهر إلى الآن

((يوم الأربعاء قمت من النوم وكانت رجلي مشدودهـ
وتوجعني يعني الألم كان مرهـ قوي ومن شدة الألم
كان نفسي أصرررررخ <<بس الحنجرهـ عندي نص ونص
جلست أتألم وأتقلب وأتوجع وماأدري شسوي فيهاوجلست أقرأ
عليهاالمهم قمت علشان بروح أصلي وأول ماوقفت عليه صار
الألم أضعاااف يوم كنت جالسه عجزت عجزت أضغط عليه
المهم إني مشيت عليه غصصصصصب شفت الألم زاااد علي
صرت أعرج<<وأول ماطلعت من الغرفه لقيت أهلي بالصاله
وأناماأبي أمي تعرف إني فيني شي حاولت أضغط على رجلي وأمشي
عااااادي لأني بصراحه ماأبي أضيق صدرأمي لأني أعرفهازيين
بيضيق صدرهـ ,عادإنتم تعرفون قلب الأم المهم إني ضغطت على رجلي غصب
ورحت أصلي وبعدماخلصت الصلاة جلست بغرفتي صراحه مشيي يفشل وأخاف
يلاحظون علي وخواتي مايقصرن علطوووووووول التعليقات
ومن حسن الحظ كانت أمي بتروووح لصلاة التراويح فقالتلي أروح معه وطبعاً
أناماأقدر مرررررررهـ تتعبني وبنفس الوقت ماأقدر أرفض طلب أمي مع إني عارفه
إنه لوتدري بترفض إني أروح بس الحمدلله كلنارحنا وكنت أمشي وراهم عشان آخذ
راااحتي بالمشي وكانت أمي كل شوي تلتفت علي وتقولي يالله بسرعه تحركي
المهم وصلنابسلام وأمان صلينابعدمارجعناسبقتهم وصرت أمشي قدامهم وطبعاً مع كل ضغطه
تجي صرخه<<حلوهـ هذي ندرس بلاغه
وصلت البيييييييت ويامحلى البيييييييييت علطووووووووووووووووووول طووااااالي عالغرفه
جت أختي وقالت يالله إلبسي عباتك ؟؟
ألبس عباتي ليش؟شسالفه ؟ وين بتروحون ؟
..للعثيم وطبعاًممنوع نجلس بالبيت لحالنا
قلت أمري لله
وأول ماوصلناهناك تعبت من المشي من المجامله وقلت لأمي
يمه بجلس إذاخلصتوادقوعلي
طبعاًأنامخلصه من كل شي من زماااان
وافقت أمي ورحت أجلس لكنه مازالت توجعني
بعدماخلصواقالولي يالله مشينا آآآهـ ياقليبي شلوووون أبمشي
الحين زيادهـ على الألم صااارت تنمل
قمت وأنايالله أسحب روحي أمي شوي وتذبحني ((تحسبني أتمايع بمشيي))
إلتفتت علي معصبه الحين وش عندك يالله تمشين بسرعه أخوك عندهـ
شغل قلت بنفسي خلوني أضغط عليه وإللي يصير يصير
بعد ماوصلناالبيت طحت بسريري والله العظيم إني ماأكذب عليكم من شدة الألم
دمعت عيوني ماادري شسوي فيها إن قلت لأمي بيضيق صدرهـ وبتفكر ووو إلخ
دخلت علي على بالهاإني ناااايمه قالت الحمدلله والشكرنايمه بهالحرلأني دخلت الغرفه
وعلطوووووووووول طحت بسريري مافتحت لامكيف ولامروحه ولاشييييييييييييييييي
ماأدري شسوي بعدماطلعت أمي جلست يمكن ربع ساعه وقمت علشان أجلس عندهم
وكنت أتألم ومع ذلك أجامل حسييييت إني خلاااص ماأقدرأتحمل رجعت للغرفه وفتحت
النت لعل وعسى أنسى الوجع خلصت من النت جاء وقت السحور وأهلي الله يهديهم
ملزميييييين يتسحرون براء>>يعني بالحوش <<وهذايبيله وقت على بال ماآصلهم
صرت أسحب رجولي سحب بعد شسوي بعمري ماأبيهم يفقدونن وجلست معهم
خلصناسحورأذن الفجر قمت بروح أصلي حاولت أقف لكن تعبت ولاأخفيكم وأناصافه
أصلي رفعت رجلي عن الأرض رفعته شي بسيط عالأقل يخف الألم شوي وعلى هالحال
يوم الخميس كانت أختي موجودهـ وبنت أختي فوق رااااسي إلاتروحين معناللمسجد
يابنت الحلال روحي مع أمك لالاأبيك أنتِ ((مالقيتي تسلطين إلاالحين))قلت يالله أروح
إتصلت علي صديقتي وقالت ترااااناجاييين نصلي عندكم يعني لاخلصتي صلاة إصبري لاتطلعين
بسلم عليك<<هذاوقتك خلي السلام بعدين
لييش؟؟
والله أعرج ولاأبيك تشوفينن
أقووول لايكثر ضحكيناشوي <<<أذبحه أقوولهارجلي تقول ضحكينا
المهم إنه جت تسلم علي وكنت أتظاهرلهاإني طيبه ومافيني شي وهي من أول
ماشافتن وهي تضحـــــــــك <<أوريك يالعنز
أحاول أسكته أخاف تدري أمي
المهم خلصت من السلام ورحناللبيت وكانن خواتي عندناكنت ودي أجلس
معهن وبنفس الوقت أخاف يطلبون من شي وبعدين يشوفون مشيي >>ويفتحون ملف للتحقيق

واليوم الفجربعد ماصليت جلست أنتظرهم ينامون عشان أكمدها ولقيت مرهم أمي
وحطيت منه أصلاً هوللظهريعني شجاب هذالهذا وكما يقال ((الحياة تجارب))
لكن للأسف الشديد مافادني بشي وإنحرمت من الروووحه للمسجدمع إن أمي قالتلي
يالله إمشي قلتله لايمه اليوم بصلي بالبيت علشان أزين المطبخ<<أنواع الترقيعات
بس والله إنه متعبتني والحين الحين وأناأكتبلكم ماأدري شسوي فيها
فياحبذاتردون علي فيه علاجات شي أحد مربهالحاله هذي
((لاتقولون مستشفى ماأبي أروح عارفه شبيقولون))


أدري طولت عليكم وقلتلكم قصة حياتي كاااااااااااااااااااااامله
بس تكفووووووووووووووون طلبتكم أبي علاااااااااااااااااااااااااااااااااااااااااااج
أبي حـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــل؟؟؟
وأكيد مافيه أحد ماسمع عن ((الشدالعضلي))وزودوعليه تنميل
يالله أنتظركم ماأبي صلاة الترااااويح تروووح علي
بليز بليز حل؟؟؟؟
وشاكرهـ لكم مقدماً
وطبعاً بنوتات بريدهـ فيهن خير وبركه