[أبو نشقه]

اقتباس المشاركة الأساسية كتبها عزوزتي عند كل إشاره وعند كل باب مسجد وعند كل محل تجاري وعند كل مخبز 00 تجلس نساء تمد يدها لتأخذ مايجود به أهل الخير 000 والغريب واغير لائق هو تلك ( النسوة ) اللاتي يقفن عند الإشاره ويمارسن الشحاذه !! إنني اراهن بأنهن لسن من نساء بريده فقد جئن من خارجها ! عموما قد نقبل اللاتي يجلسن عند المحلات لكن عند الإشارات مرفوض وفيه خطوره عليهن !

أول شي أحمد ربك على العافيه واذا شفتها ادع لها بالرزق والستر حتى لو ما عطيتها

اقتباس إنني اراهن بأنهن لسن من نساء بريده فقد جئن من خارجها !

ممكن تقولي كيف عرفت انهن من خارج بريده ,, عشان اذا شفت وحده تشحذ أشوف هي من بريده ولا لا
وليه بريده ما فيها محتاج أو محتال ,, ماعلينا من نية المرأه محتاجه أو محتاله
من بريده أو من خارجها أنت عطها المقسوم وأحتسب الأجر
ترى أجر اللي من بريده نفس أجر اللي جايه من برا

اقتباس والله لقد شاهدت بالأمس بشارع الخبيب إمرأة تشحد ( عمال ) يعني لو هي من بريده كان ماتسوي كذا !

وليه ما تسوي ؟
الجوع كافر والحاجه ماتعرف بريده ولا برا بريده
عزوزتي أنا قريت موضوعك أدور فائده وحده مالقيت أو حل لهالمشكله
حنا نطرح المشاكل لاكن لانطرح علاجها ,,
زبدة موضوعك هي الخوف على المرأه من الشحاذه عند اشارات المرور لان ذلك يشكل خطر عليهن .
بس هذي خلاصه موضوعك ,, تمنيت لو أنك طرحت الأسباب والحل مع هالمشكله
أتمنى أن يكون التفاعل بأن يساهم رجال الخير والمختصين بالجمعيات الخيرية بتسجيل هؤلاء المحتاجين بالجمعيات والضمان الإجتماعي .
ودراسة وضعهم الإجتماعي والمادي وتقديم يد العون لهم من قبل رجال الأعمال او الجمعيات لنكفيهم مذلة السؤال .
في هالحاله يكون الموضوع له فائده ولا نكتفي بالردود فقط على الموضوع
بل نطالب بشكل جدي وأن تنظر إدارة المنتدى في حل هالمشكله وتصعيدها بوضع بنرات بالموقع او ماشابه ذلك للمساهمه في حل هذه المشكله ..

هذه فائدة المنتديات والمواضيع أما إني أضع مشكله وأقول أشحذي عند المحلات عادي بس الاشاره عليك خطر ,, أعتبر الموضوع بلا فائده

ص/ مع التحية لمكافحة التسول