[شنيدر]

هذا العيد في احد قرى شمال بريده بدون صور طبعا

قرية صغيره كلهم يعرفون بعضهم

بعد صلاة العيد يقوم الكل بالسلام على بعض

بعد الانتهاء يكون الاجتماع في القصر تبع القرية

ويكون الافطار هناك

بعده كل يروح لبيته

وهناك جدول كل بيت يقدم وليمه غداء او عشاء في الثلاث الايام الاولى من العيد

يعني يكون من ست الى عشر ذبايح في الغداء والعشاء

في اليوم الاول يكون هناك حفل بسيط مختصر للاطفال بعد صلاة العصر

برامج حلوه ومسابقات وطرائف في باحة القصر

العصر والمغرب تكون هناك زيارات للاقارب الذين يسكنون خارج القرية

ومعايدة المرضى


ويجتمع في القصر كل اهل القريه اللي يسكن الرياض والشرقيه وكل مناطق المملكه بسبب اعمالهم طبعا

يجي العيد وكلهم يجتمعون

بصراحه حلاة العيد انه يجمع كل اهل القرية اللي لك سنه ماشفتهم تشوفه بالعيد


وكل وعيد وانتم بخير وسلامه