[مدحت شوقي بريده]

حشفاء وكيل سؤة .. لعلها أبلغ من حشفاً وسوء كيله ..


يوم أقوم وانت اللي تلفز النعال تحتي .. تقول شف هذولي نعالك يالهدر ..
لأني بالليل .. وكرشتي مضللة اللي تحتي .. وكل ماامشي يمشي الظلال معي ..


فاأنت ماشاء الله عليك .. تبي أتخلص من نعالك .. وتحسب نعالي جدد ..
قلت خل الفزهن حدر هالبرميل أغدي آخذ نعاله ..
بس ربي عاقبك ..


عاد من زين نعالك .. انا ماأدري وشلون تلبسهن انت ..
اول مره اشوف نعال مربعات .. طولهن بالعرض ..
طوال وقصار .. حسيت إنهن ( بيز ) مركب لوه جلد تحت .. وقلت نعال ..
قسم ماتقول الا حوافر بعير ماهيب نعال ..


عاد .. يوم لبستهن بديت الفز بجنب رجلي قراشيع خشب وحصى ..


لا ومتسحلات بعد .. فصختهن قبل لااركب السيارة ..
امشي والحصى يدخل بأقصى رجلي .. ماادري وش خانة النعال أجل ..
فصختهن ولفزهتن حدر إبطي .. عقب ماكبيت القراشيع اللي قشقشتهن من الارض ..





ويوم وصلت البيت وأدخل وأنا شايلهن بيدي ..
قالت لي الشغالة .. أيش هذا .. انت سيم سيم ولد صغير امسك نعال في يد ..
هذا نعال البس رجل ..

قلت له اولاه اقلبي وجهتس لاأدفنتس هنا .. بعد بعد ..

واجدع النعال بالأرض .. وتناظرهن وتقول .. ياسلام شيلي رمل هذا نعال وجيبي بيت ..

قلت اويليه بس ماأجدعه مع الدريشة .. أها بس انثبري مهوب شغلتس ..


وهذي سالفتي مع نعالك يالاسكافي ..



سي يو ..