[مدام عبدالله]

ياالله متى نتحرر من هالتتفكير الذي ماانزل الله به من سلطان

طيب واذا العازبه ولا المطلقة ولا الارمله ماتزوجت ايش المشكله

الى متى ونحن نعتقد ان دور المراة الوحيد في المجتمع هو ان تكون زوجة فقط

وان لم تكن فلاحاجة لها ولا فائدة منها


طيب المراة بفطرتها تتمنى الزوج الصالح وبيت واطفال

لكن لو قدر الله وحصل ومالقت الشخص المناسب يصير قدامها حلين

اما ترضى باي احد يتقدم وتواجه عاد مصيرها المحسوم كانه في قمار وضربة حظ ياتصيب ياتخيب

واما انها تواجه نظرات المجتمع واللمز والغمز >>> ياحول لين الحين مااعرست ياويلي مسكينه هذي اكبر من فلانه ولين الحين ولا فلانه تطلقت وقعدت ووووو


حرام ياعالم نحدد عالم المراة في زوج وبس

المراة ممكن تكون مربيه فاضله لابناء اخوها واختتها موشرط بس اولادها

ممكن تكون عضو فعال بالمجتمع لكن ارجوكم قليل من الثقه والدعم

اين المطالبين بتحرر المراة بسواقه وبانها تسافر بلا محرم وانها تزوج نفسها وانها وانها

ليش مايطالبون بجمعيات تضم هذه الفئه من مطلقات وارامل وعازبات وتفتح لهم ابواب مشاريع وتنميه

وش اقول بس

لاحول ولاقوة


اسفه جدا على الاطاله لكن والله موضوع جا على الجرح