[نـــNAــونا]

أخافك مثل صديقتي نادت بس بعد فوات الفوت

معاها من 6 سنوات

خدمتها بعيوني أحرص على مصلحتها قبل نفسي واللي تحتاجه ألبيه قبل تطلبه

حبيتها حب ما حبيت أحد مثله من اسمع صوتها يدق قلبي

كنت بثالث ثانوي دخلنا الكلية وصرنا بقسمين منفصلين

لكن والله ما نسيتها كل صباح أدورها حتى اشوفها وأسلم عليها

أحرص عليها من صديقتها كنت أنصحها وأقول لها البنت هذي مو من مستواك صارت تتغيب عن المحاضرات عشان تجلس تسولف معاها وكنت أقول لها أنتبهي لنفسك ولدراستك لين آخر السنه البنت بقت للإعادة وهي نجحت وصار بينهم مشكله وتفارقوا

وتعرفت على شله جديده يمكن 7 بنات باقيات للإعادة بنفس قسمها وصارت طالعه داخله معاهن

وأي شيء تحتاجه تدق علي سواء مذكرات او تحديد سواء للمواد المشتركه أو لموادها هي لاني أعرف بنات ثانيات بقسمها وأساعدها

درسنا ثاني وثالث ورابع وكل مالها تبتعد عني وتزداد علاقتها مع وحده من البنات حتى لما أفتح جوالها كله رسائل من صاحبتها هذي بس أنا ساكته لأني عارفه إني على حق وبيجي لها يوم تندم على تفريطها بس ما راح ينفعها الندم

والله كان جوالي ما يعرف غير رقمها لارسائل ولا إتصالات وحاجات كثيره ما أبغى أسترسل فيها أكثر

لين تخرجنا ودرسنا حاسب 6 شهور مع بعض وصديقتها كانت تزورنا حتى بالمعهد

بعد 6 شهور تزوجت صديقتها وبعد زواج صديقتها بمدة صارت بينهن مشكله ما قالتها لي لكن تفرقنا وكل صداقة 4 سنوات راحت هبااااااااااااااااء

بعد هذا رجعت لي لكن بعد ما قلبي عافها وإلى يومكم تتصل علي وترسل رسائل عتاب وتقول تغيرتي ما قدرت اصارحها إنها جرحتني جرح كبير لا يمكن اغفره لها قلت لها كل البشر تتغير تبيني أنا أبقى على حالي بعد 5 سنوات

وينك عني لما كنت معاك بنفس المكان كنت أتشره عليها أقول تعالي عندي تقهوي أجلسي معاي أيام الكلية تقول ما عندي فراغ وأتفاجأ بالصدفه إنها غايبه عن المحاضره مع صديقتها

لكن ما أروح اقول لها شفتك مع فلانه لا كنت أقول خليها مردها ترجع تدورني وما راح تلاقيني

أول كانت تدق علي يفز قلبي لنغمة رنينها الحين ولا شيء أحول الجوال صامت ولا كانها تدق

أوووووووووووووووه يا صاحبة الموضوع أثرتي أشجاني

اللي بقوله لك إلحقي صديقتك لا تسوي فيها مثل ما صاااار لي

تفقدي نفسك لا تكوني اخطيتي بحقها

والله يديم صداقتكن ويعوضني بالصديقة اللي راحت