[شيخ بريدة]

يا إخواني يابعد مصراني اسمعون زين الله يعافيكم....



قبل أرد على موضوعك يااخوي % بريدة % اسمح لي ارد على غندر قبل....



يقول غندر:

اقتباس (( بدأ الإسلام غريب وسيعود كما بدأ )) أو كما قال عليه الصلاة والسلام ..

اقول هذا من اول كان غريب الاسلام لكن هالحين الإسلام رجع إلى ماكان عليه من العزة...حيث ان المهدي قرب خروجه فكيف تصف هذا الزمان بأنه غريب
بل تقصد القرون: العاشر والحادي عشر والثاني عشر والثالث عشر وبس هذولي
زمن الغربة....



----------


أخوي % بريدة %:

ماهنا شك أن هالفتنة مستشرية بالمجتمع وخاصة المجتمع النجدي لكن يابعدي
احذروا التعميم فحنا بهالزمن ولله الحمد يشهد صحوة كبييييرة ماادري
وش هالتناقض اللي يقولونه المثقفين!!!! بعضهم يقول نحن في زمن الفتنة
وهذا صحيح ولكن بعضهم يقول نحن في زمن الصحوة!!!

حرام عليكم بحلنا ماندري حنا بزمن الفتنة وإلا زمن الصحوة!!! ارحمونا دايماً
بكاء لا يوجد فرح ولا تبشير ولاشيء!!!!


طيب أكيد أن هذولا نمونات من اهل بريدة ولكن ولله الحمد ان غالب اهل بريدة
بهم الصلاح والدين والتقوى!!!


ولكن السبب يرجع إلى الحيوانات العلمانية واللي تتستر بستار الدين والغيرة
وحب السلام وهم والله انهم من جنب القدة يعني ابعد مايكونون عن السلام والغيرة!!!

حيث اننا سمحنا لهم ببث ضلالهم وسمومهم إلينا!!!


ولكن بإذن الله إن هيئة بريدة نشيطة ولله الحمد حيث انه من انشط هيئات المملكة!!


بس ودي انبه على شي وهو ان غالب الدعاة والمصلحين لديهم أسلوب سيئ جداً
وهو أسلوب البكاء كل دعوتهم تحتوي بكاء على حال الأمة صحيح هذا مطلوب

لكن هم يحملون جانب الإنذار وأن الأمة على خطر وماادري ويش

ولا يمكن تجد داعية من الدعاة يبشرنا بشي لم أجد في حياتي داعية يبشرنا
بهزائم الصليبيين وهزائم العلمانيين!!!


لايمكن تلقى لايمكن لايمكن لايمكن وكل أساليبهم إنذارات وحزن وووو

أتمنى لو يجيبون لنا الجانب المشرق حيث أننا نصاب بالإحباط الشديد جداً وبعضنا
إذا سمع خطبة عن مآسي المسلمين قال خلاص الأمة تبي تهلك وخلاص


أما لو يبشروننا فهذا حسن!!!


والله إني متأسفٍ بالحيل اني طلعت عن الموضوع الصدزي لكن هذي خاطرة

وجزاك الله خير على غيرتك والله يزيدك تقوى وصلاح....

وأكرر أسفي واعتذاري... وأقول هذا رأيي فقط وهو يحتمل الخطأ أكييييييد.

أخوك اللي يعزك: شيخ بريدة.