[الـدعساوي]

السلام عليكم
أولا أعتذر عن التأخير , تعرفون غدا ون بعده تغسيل , وبعده تجي وتفتح الكمبيوتر
وبعده تفتح النت , وبعده يبلشك كم واحد بالمسن , وعلى هالحالة ولاتبون الواحد يتأخر << أقول انجز ولا يكثر

بسم الله ..

اقتباس 1/ ماهو نوع جوالكـ !

أولا وش اللقافة تسأل عن الجوال << أو صح يقولون جاوب بدون فلسفة
نوع الجوال N95 بدون باب البطارية كل شوي تطيح وحطيت به ورقة واللحين احسن شيء , فتحت الباب داخلة شويت تراب , يعني اللي يبي له شحنة رمل , ترانا مانقصر الجوال يفي بالغرض , نظيف جدا , افكر بالبيع لكن بعد كم سنة تبون صورته ماعندي مشلكة , ولاتدرون افتح موقع نوكيا وتشوفه مرتز بذياك << مب جوالي بس يشبه له << تحلف انه يسولف على وغادين

اقتباس 2/ ما اخر صورة تم التقاطها !

آخر صورة هي لسيارة هايلكس 2004 مامشت ولا كيلو من معرض جدة بسعر رمزي جدا , ب82 ألف ريال , غمارتين طبعا
مايمدين انزله ولا تسان نزلته لكم

3/ كم رقم مخزنـ عندك !

طبعا الدعدة تقول [ انه ارقام كثرة عندي ] وكل شوي اسوى حذف للارقام من الكثرة
ولاجيت للصدز يوجد 237 رقم

4/ ما اخر رسالهـ تم تلقيها !

بطاقة أعمال تبون الرقم ولا مب لازم بعد << اغديه مب لازم

5/ ماهي الرسـالهـ رقم 2 ولاحظ ((2)) بالتحديد !

أبوك يالتحديد , هالحين ابو ايوب وش هالتحجير , 2 بالتحديد
طبعا الرسالة الثانية ايضا بطاقة أعمال , خبركم من يوم بدت المسابقة بديت اخلي هالعالم ترسل لي من هالارقام نبي نكثرهن شوي

6/ من ضمن الاسماء في جوالك

هل يوجد اسم غريب او مضحك

لاحد اصدقائك,, اذكره لـنا !

طبعا يوجد اسم واحد [هستر ] طبعا هالرجال هذا مايعرف شيء اسمه ببسي سفن بيرة هولستن , يعني من الشاهي والماء وانت جاي , مرتن احرجناه وقلنا له جب لنا هولستن , عاد الرجال تنبل بوسط البقالة , قلنا غريية ابطى معقولة كل ذا تدوير , وجاء لمنا بعد ساعة او دقيقتين , وقال معليش مافيه بالبقالة هستر قلنا له وش هستر
ولا خوينا قاعدين له شوي بالبقالة يتهجى اسمه وعجز يحفظه , وجاء وقالنا الاسم المختصر له , تعرفون الانجلش كله اختصار فاخينا اختصر حتى الهولستن .. انتهى كلامه << هالحين الموضوع قصة ولا اسئلة حددوا بالظبط

7/ ماهي أعلى فاتوره قد تجاوزتها ,,


أعلى فاتورة نسأل الله السلامة والعافية , وان الله يتجاوز عنا هي 860 ريال , وشلون جت ماأدري
بس لاتسألون عن العواقب اللي بعده
والحد الا ئتماني 400 ريال

8/ ماهو اسمك بالبلوتوثـ !
faisal abdullah << اسم الدعدعة

9/ ماهو الثيم الحالي لجوالكـ !
الثيم الاصلي يعني ماغيرت به شيء

/ ماأكثر ماتستخدمهـ بالجوال مثلا: المنبه , الحاسبه , البلوتوث , التسجيل !
الاكثر [ المنبه ] نستخدمه لأوقات الصلاة<< والله من صرف الصدز


11/ آخر بلوتوث استقبلتـه ماهو !
رسالة عن اليوم الوطني للشيخ سليمان العلوان فك الله اسره << تراي حذفته علىطول لاأحد يبلشنا

12/ كم عدد الرسائل بالصندوق الوارد ,, وكم عددها بالصادر !
الرسائل بالوارد , مثل الاسماء كل شوي احذف
لكن الحقيقي 1564 رسالة بالوارد
الصادر49 رسالة
طبعا السبب يقول أحد السلف [ اذا فعلت خيرا لأحد فاحذر ان تذكره , واذا فعل لك أحدا خيرا فاحذر ان تنساه ]
فمن هذا المنطلق نمسح الخير اللي انا فاعله , واخلي الخير اللي مصلحن لي << اتحداكم ان تسانكم فهمتوا شيء

13/ رسالة لن تقوم بمسحها أبداً ولماذا !
طبعا هناك رسائل من شخص عزيز علي لن امسح رسائله ابد [ يعني لو ارسل كول مي مامسحته ]

14/ ماهو الأسم رقم ((23)) المخزن عندك !
أبوحسن << تبون الرقم ولا مايلزم لو اكتبه تسان تشوفون واحد معلق بواجهة بريدة ستي

15/ ما آخر رسالهـ قمت بأرسآلها !
رسالة للاهل يعني دور أحد اكتبه , ناقصين فضايح

انتهى بحمد الله وتوفيقه << وهو يقول الله اكبر انتهيت لله دري

اللي بعدي بريدة ستي [ أنس ]

شكرا أبا ايوب , بحجم شعرات الحني العبد << تم السرقة بحمد الله