[أبوغسان]

اقتباس كتكوته; انا اقول مستحيل يخلو بيت من المشاكل..وتلقى احد الزوجان لما يتشاجرا بسرعه يترسب في ذهنهم انه بس هم اللي يتشاجروا والبيوت الثانيه عايشين بدون مشاكل..بالعكس المشاكل ملح الحياة..تجديد للحياة الزوجيه لما يتشاجر الزوجان وبعدها يعتذر المخطئ ويفتحون صفحه جديدة وكل واحد يبين غلاة الثاني.. وتمشي امورهم لكن من اكبر الخطا لما الزوج مراكض لاصدقاه وخر سواليف تهاوشنا ومرتي قالت وحطت..وكذلك المرأة لابد من حفظ اسرار البيت.. ومافي مانع ان الواحد يدخل النت ويتثقف ويدخل على مواقع استشارين ويستشيرهم..انا عني كمتزوجه اول ماتزوجت طفله جاهله كثير .. وزوجي ماقصر يزودني بكتب واشرطه .. وكنت اسمع واقرا حتى دخلنا النت في بيتنا ولله الحمد اصبحنا نفهم بعض وعرفت كيف اتعامل مع زوجي..يعني تغيرت حياتي 80%ولله الحمد.. ويجب على كل زوجه ان تلزم الصمت عندما ترى ان زوجها غضبان وثائر..وبعد مايفرغ اللي براسه ويبرد هو من نفسه بيبدا يفهم اللي صار ولو صار غلطان بيستحي ويتعذر.. ولازم كل زوجين بداية زواجهم يصبرون على بعض لان بيصير بين خلاف كثير لاختلاف الاطباع ولازم كل واحد يصبر على الثاني..وشوي شوي ويتعودون على بعض.. وعلى كل زوجين ان يجلسا جلسة صفا وحب بين فترات معينه على الاقل كل شهرين..ويبين كل واحد اللي بقلبه للثاني.. واللي مترسب بخاطره شي يطلعه حتى يكونون قريبين من بعض..ولاتنسون الوردة او كل واحد يشتري للثاني هديه ويعطيه اياه اثناء الجلسة.. وكل مما حاولوا يفهمون بعض وتحاوروا مع بعض كل ماقلت المشاكل.. وبالتوفيق لكل زوجين.. ولاتنسون حديث الرسول اللهم صلي عليه..خيركم خيركم لاهله وانا خيركم لاهلي..

كــلام رائع يوحي بخبرة في عالم الحياة الزوجية
ماشاء الله تبارك الله , الله يديم عليكم سعادته
ويجمع بينكما بخير يارب
أشكر لك مداخلتك