[قم قاعد]

والله قهر امريكيه تستلم بالشهر 125 وحريمنا 2000 ريال مع المذله

اقسم بالله شي يحرق المراره ويرفع الضغط

هذي قصه مختصرهـ ارويها لكم.

فيه واحد بنى قصر بـ 2 مليون ، جت له مره صاحبه مكانه عاليه بالسعوديه وسامته بـ 6 ملايين ، صاحبنا ماصدق خبر وباع البيت ، لاكن مايسلمهم المفاتيح الا لين يسلمون الدراه ، بعد اسبوعين تقريبا جا له واحد من سواقين المره وقاله نبي المفاتيح الله لايهينك نبي ننقل الاثاث ، خوينا عطاهم المفتاح ، بعد يومين راح يشيك على قصره ومادري الا المره ساكنه بالقصر ، دخل عليهم وقالهم وين الدراهم ، قالت له روح للسواق اللي برا خله يصرف لك الشيك ، طلع وراح للسواق والسواق عطاه شيك 6 مليون ، وصل البنك ومالقى بالحساب ولا ريال ، يعني شيك فاضي ، رجع خوينا للقصر وقالها الشيك فاضي ، بدت تماطل به ، كل يوم بكرا ولا بعد اسبوع ، المهم ماخلا احد وماراح لمه ، ماخلا دائره الا دخل له ، حتى الاتصالات وشركه الكهرب ماخلاهم ، وكل واحد يحلته على الثاني ، المهم قال مالي الا الامير نايف ولا سلمان الله يطول بأعمارهم ، مر عليهم واعتذرو منه قالو له هذي صاحبه مكانه وهي مره ولانقدر عليها ، صاحبنا يأس وقال القصر راح بالدنيا ونلقاه بالاخره ، مر الوقت ودار شهر شهرين ، المهم انه يسولف على اخووياه وقالهم سالفته ، قال واحد من اخوياه حول البيت لاسم زوجتي << طبعا البيت بأسم خوينا ، قال له كيف وليش ووش السبب ، قاله خويه حوله على اسمها ومالك الا اللي يرضيك ، خوينا قال ماباليد حيله وحوله على اسم زوجه صاحبه ، زوجه صاحبه معها جنسيه امريكيه وراحت اشتكت على المره عند السفاره الامريكيه ، المهم جا خطاب من السفاره الامريكيه بأخلاء البيت بعد 24 ساعه
بعد 24 ساعه المره بالشارع مع عفشه

يعني شوف القهر ، معك جنسيه امريكيه تمشي ، معك جنسيه سعوديه للأسف تقعد وتلعن ويوخذ حقك وانت تتفرج

وهذي قصه ثانيه
فيه واحد امريكي بالسعوديه صدم ماصوره كهرب ، واتصل بالشرطه ، المهم ان الشرطه ابطو قعدو تقريبا ساعه ولا نص ساعه ماجو ، المهم مر لبناني من عندهم وقاله وش لسالفه ، الامريكي قاله السالفه وقال له اني اتصلت بالشرطه وللحين ماجو ، المهم اللبناني اتصل بالشرطه وقال لهم يالمهابيل ماتدرون ان اللي صادم امريكي ، انخرشو الشرطه وارسو فرقه كامله وطوقو المنطقه وعوضو الامريكي واشترو له سياره جديده

لو هو سعودي كان غرموه على الماصوره

تحياتي