ابوعمر السحيم:
ياحبي لك الله يخليك لأبوك وامك
انا مهب قصدي إلا التبعية باللهجة يااخي حنا ورانا نستحي اذا طلب من واحد منا مقابلة مثلاً
وصار يحتسي عامي لا يمكن إلا يحتسي بحتسي به كلمات قلينزية لازم لازم.......
يعني وراه حنا مالنا رب؟؟؟!!!! أهل الكويت وغيرهم واثقين من انفسهم ويحتسون بحتسيهم
ومتمسكين بعلومهم وسلومهم وحنا نجي ونقلدهم طيب انا مهب قصدي انه حرام!
لكن اقول ماينبغي لنا ان نترك ثقافتنا الاسلامية العربية ونقلد ناس اختلطوا بالفرس والروم
وغيرهم.........
يااخي هذا مهب تعصب لكن اقول اما ان يحتسون الناس بالفصحى او بلهجتهم....
انا ماادعو للعامية ولكن اقول لان الناس يحتسون عامية عفواً من انفسهم!!
فإنه ليش نضيع تراثنا ولهجتنا القصيمية حفيدة الفصحى!!!
ونضيع هرج ابوتنا وجدودنا ووووووووو!!!!
انا مااحرم هذا ولكن اقول تمسكوا بعلومكم وسلومكم ولهجتكم واتركوا عنكم التقليد الاعمى
ناظروا انا اشوف كويتي عند قصمان يحتسي كويتي!!!!
وش عزة النفس هذي وش الثقة من نفسهم!!! وحنا ماعندنا اعتزاز بالثقافة واللهجة واللغة!!
ناظروا الفرنسيين وش يسوون من حبهم للغتهم وتراثهم وسلومهم وعلومهم(خرطي ان تسان عندهم علوم)....
لكن اقول تمسكوا بالفصحى في وقتها وبالعامية في وقتها!!!! وبسسسس هذا مااقوله....
وكلامي يحتمل الصواب والخطا وبس يااخوي ياابوعمر ثقلنا عليك ترى مهب لازم ترد مباشرة
خل بوقت ثاني يابعدي
....
اخوك ابوثعرور.