[قلب الوله]

مرثية فقيد الرائديين عضو شبكة الجماهير الرائدية عبود



يالله ياذا المن والعفو والجود
ياواحدٍ يدوم والخلق مادام

افرج لقلبٍ ضاق من موت عبود
كنه سجينٍ منحكم حكم الاعدام

الغالي اللي مايجي منه منقود
الوافي اللي من رجاجيلٍ كرام

الصاحب اللي بالمواقيف مشهود
رمز الصداقه والمعزه والإقدام

ماقولها واهم انا عندي شهود
شهود بالالاف يعني بالارقام

بموضوع موته جوه زوار وردود
هذا الدليل اللي له شهود واختام

يالله عسى قبره على الشوف ممدود
وعساه بالفردوس مع خير الانام

يارب جازه بالحسنات بالزود
ماله الهٍ غيرك بدين الاسلام

واجبر عزا شيخٍ من الحزن مجهود
واجبر عزا امٍ تشتكي حر الاسقام

قبل امس معنا عايش بخير موجود
واليوم مات ولابقى غير الاحلام

لاشك كلٍ عمره اليوم محدود
يالله بوجهك قبل توديع الارحام

دنياً وراها الهم والحزن والكود
مادامت لحافظ وجابر وصدام

كلٍ يجيه سراه والعمر معدود
ياشيب عيني من مقادير الايام

وعبود كان وراح والحزن مشهود
واللي بكى والله ماهو بمنلام

هذا مكانه ليته يحن ويعود
وهذا طريقه ليت للرحله احكام

نادوه قولوله ترى الحيل مهدود
تعااااال: لاتسكت!!! انا حيل منظام

ارجوووك مامثلك على الاهل مفقود
ترى الحياه ايام ماتصبح اعوام

ياهل ترى عبود ياناس بيعود
والا يضيع الصوت وتجف الاقلام

احيان احس اني مع الناس موجود
واحيانا اعيش بمفردي كلي الام

والله شبعت جروح واحزان وقيود
والله فقدت اصحاب واخوال واعمام

ياما سهرت الليل والعالم رقود
امشي ورى والعمر يمشي لقدام

غربة زمن والوقت ماقصّر يجود
عشناه لكن للأسف اثره اوهام

دام الحياه ايام والعمر محدود
يعني الحياه اوهام ومجرد ايام

والرابح اللي يسجد لوجه معبود
عاف الحياه ويسجد الليل مانام

وعبود مات ويرحم الله عبود
عساه بالفردوس مع خير الانام