[القلب الوردي]

( معليش بدخل ولو إنه مالي حمولة )

الصراحة أستغرب من بعض البنات إذا قالت أصير رسمية معهم عشان أسلم .!
ليه طيب ؟ طالما إني محترمة نفسي وماغلطت على الناس سواء كانوا حمولة أو غير حمولة مستحيل إنه يجي ضرر منهم أو مشاكل إلا إذا كانوا هم مايخافون الله !
بالعكس أحس التعامل بأريحية وبساطة أحسن .. إذا سولفوا سولفت وإذا اشتغلوا قمت معهم وإذا ضاقت صدورهم ضقت ووو الواحد يتبع الناس عشان يصير مرغوب .
الصراحة أشوف الغالبية معطي الحمولة أكبر من حجمهم لدرجة إنها تقطّع عمرها عشانهم أهم شيء تكرف لهم وتخدمهم ومايجي منها قصور ولو على حساب نفسها ورجلها وبيتها.! هذي الصراحة لاتلوم نفسها لو ماحطوا لها أي اعتبار . لأنه موب كل الناس تقدر المعروف .
وبعضهن العكس تماماً أحسها تبي الحمولة كلهم يخدمونها هي وعيالها ورجلها وتبتل أختنا في الله عروس مايصلح تلمس شيء أو تطبخ شيء .. تجي متكشخة ومكشخة بزارينها وإيدينها فاضية وتآخذ أكبر مكان ويلا قدموا لي واخدمون وإذا حملت عاد هذا شيء ثاني ( كأنها الوحيدة اللي حملت بالعالم .! ).. عسى ماشر .!


مافيه أحلى من التوسط بكل شيء

أعتذر عن الإطالة .. شكراً لك