[شهَرزاد]

ذكرتني بـ أيام الثانوي ..

فصلي كل ابوه سودآنيآت ومصريآت وحفنه سعوديات ..

كل ابو الفصل يحتسي انقليزي ..

وانا ادربي راسي ولا اقعد اشخمط ..

>لان احتمال تذبحن الشرافه اروح اتعلم انقليزي ..

مير اني شابن سبدي واحد ..
>شايفته بالنخيل ..

لابس ثوب اصفر وزبريآت وشعره شوشه الله لا يعازبنا ..
وينادي اخته بالانقليزي ..

<بغيت اقوله : من زينك انت وخشك تحتسي انقليزي بس كتم غيضي
<< وش عليتس منوهـ

أتوقع لكل مقال مقام ..
يعني ما اتوقع تجين بقعده حريم تاكلون كراث
حصيصه : مدي لي اليمون ..
منيره : دوتسسس
حصيصه : ثآآآنتسس يوم
> ابوك يالخطمه ..

أجل ثانتس يوم
وين الله يجزآك خير ..

حتي شكرآ محب احد يقوله لي كثر يعطيك الف عافيه
جزآك الله خير ..

بس وش نسوي لا هبو الناس هبوب غيرهم ..


ولو دخلتو جحر ضب لدخلتموه

خل كل أبو ذولا علي جنب ..


بكآفي بـ احد الدول العربيه ..
مجموعه بنآت حولي انا ماحطيت بالي معهم كثير ..
بس اسمعهم يلوسسسنن ..
أنقلش
ودوك يا حتسي

وأخر شي ..:
وده منهم تقول

نهى ابوي يبيتس بالجوال ..

<< ياسبديه كل اللي يرطنن من مسآء الله خير سعوديآت

البلا انهن بـ دوله عربيه مب برآ

بس مدري وراه يسولفون مع بعض انقلش ..

<<يعنني


أهم شي ..

لكل مجيد للغه الانجليزيه ..
بدآل التفشخر علي غير سنع ..

معك نعمه أستخدمه بالدعوه الي الاسلام
لـ عامل محطه .. مطعم .. ممرض ..



الله شسمه يصلح الحال بس