معانــــــاة الجــــــــــــوع
بما انه امس اخر اربعاء قبل الاجازه اكيد اننا بنطلب وماراح نفوت هالشي
خصوصا اننا الاسبوع الجاي بناوم لحد يووم الثلاثا
يوم الثلاثا الموافق قبل امس الجوالات تدهر وش تبين اطلب لتس من اي مطعم تبوون و و و والخ
جينا للمدسه وحنا ما افطرنا عشاننا طالبين احسن نصير متجيوعين
داومنا الحصه الأولى والثانيه والثالثه كلهن مواد علميه ويتطلبن تركيز اكثر
خلصت الحصه الثالثه وحنا ننزل من الدرج نتخيل شكل البطاطس الحار مع الكاتشب يمي
يوم وصلنا للبوابه بنسلم الفلوس وكرت اسم الطلب لـ (ام عبد الله )
ونسمع لجت وازعاج البنات واللي تسب من جهه واللي واصله معه وتصبخ باللي بيده بالجدار
المهم اننا عرفنا ان اللي ماتتسمى هياام ملغيه طلبيات جميع البنات بس نشوف الخيام داخل
ولكم شله
ونرووح للاداره ونسوي ازعاج ونهاوش قالت ايش هيام اننا مادرينا بالخيام نحسبه للمدرسات
حسبوتس مع اللي مانب قايله وتطرنا من الاداره تقل فراشات << مهيب قايله غنم
قال ايش روحو اشروا من المقصف
عااد من زين المقصف اللي يحووم التسبد وش اللي به
ماء وعصير بردقان يجيب المر وخبز يابس من عهد قاارون وهذا اذا بقى لك شي
اهم شي شرينا لنا ماء ورحنا بالساحه اللي عند مبنى الاداره
ونشووف اكياس كودو للمعلمات عساهن للمر كل وحده له كيسه كبر قريح
تسيف تسمح انفسهن ياكلن وهم مانعيننا ومابوه شي ناكله يسد جوعانا
نقول هذي ونمشيه بس اللي ماينبلع ومايدحدر ببيره
بنات الـ يجن ويدخلن لهن اكياس هرفي عساهن للمر ان شاء الله
ولا يقال لهن شي قال ايش سواق وكم بنات سواقهم جايب لهن ومرجعينهم
وش ذا الاداره والله ياهيام امس والى اليوم البنات يدعن عليه
وتقضي الفسحه القنزه ونروح نرقى
وقدر الله وماشاء فعل اني نسيت فلوسي بالساحه واروح انا صقيقتي ونجيب الفلووس
ويالله يالله سمح لنا حائط الصد نروح اثر مجموعة بناات جت بنت قالت لهم ان هالبنات تبيهم هياام
وحنا راجعين اثر هيام عساء اي شي اكلته امس ينقز مر مناديه مجموعه من البنات
مخليتهم يدقون من عنده ويطلبون لهم موب حراام هذا
وراه حنا موب اوادم مانحس بالجووع وقسم بالله عشان امي وابوي معلمينن وشلون احترم اللي اكبر من
والا كان رحت وفجرت بالاداره القهر اللي بي
رجاء خاص لاحد يرد يمدح ويهاوش ويقول تسذب
والا شلة المهايط تجي ترد تراي بفجر بهم