[•°انكسار الأماني°•]

هذا اللي قدرهم الله عليه ؟
تدشين وفلسفات وخرابيط رجال أخر زمن ,
أول الحريم محط الإستهتار في الإهتمام بالتوافه ,
لكن اللحين الرجال صاروا أردئ خمس نجوم .
أجل إستقبال الممثل فايز المالكي !!!!!!! ياليل التلصق ياجماعة ,
يعني مايقدرون يسوون شيء إلا لاجبوا لهم ممثل ولاعب وفنان ؟
مايقدرون يعبرون لحالهم ويثبتون تواجدهم بدون قراشيع إعلام مفلس ؟
يووووووه حالهم مؤلم وبقوة , مير أنسب كلمة للي كذا هي مساكين ,
أحسهم فاقدين الثقة بأنفسهم ويحاولون يدورون أحد منا وإلا منا يطلعهم ويبرزهم أكثر وأكثر .

؛

للمعلومية أنا إنسانة أحب أشرطة حورنيات والحق إنه توسع الصدر غصب عن اللي ماوده ,
لكن هالصجة اللي مسوينها ذولا مالها داعي علشان شريط إنشادي لاراح ولاجاء .
حتى لو كان الشريط لأبو عابد تراه ( أناشيد ) يعني مانشدوا عنه الشعب السعودي الرقاصي ,
وأولهم المنشدين اللي ماوثقوا من أنفسهم ورايحين يجرجرون ممثلين ولاعبين وماأدري من بعد , أثرنا نشد ظهورنا بفليين ,
على بالنا عندنا إعلام ناجح وإعلاميين واثقين وقادرين على إثبات إنتاجاتهم والدفع بمنافستهم إلى الأمام ضد خصومهم الأقوى سعودياً وهم الفنانيين ,
لكن الحقيقة تقول إنهم يتلصصون على المنافس الأكبر ويفرحون لاأبتسم بوجيههم وإلا تصدق عليهم بجية خطافية لحفلة من حفلاتهم .

القادم أقبح ياأهل النشيد .

,