[انسانهـ لا أكثر]

اقتباس المشاركة الأساسية كتبها القلب الوردي لحظة لحظة تكفووون أبي أفهم وش معنى الرسمية عندكم ؟! يعني تصيرين كأنك غريبة وساكتة بس تسمعين ؟ أو إنه العلاقة الرسمية إنك ماتقولين لهم أسرار أهلك ! فرق كبييييير بين الرسمية وبين اللي يخالط الناس وهو عارف بالضبط وش يقول وش مايقول .! يعني علاقتك رسمية مع بنات عمانك وخوالك ؟ وإلا تقولين لهم كل شيء يحصل ببيت أهلك ؟! وصديقاتك تمونين عليهم وتسولفين معهم بس ماتقولين لهم أي شيء يصير ببيتكم .. يعني علاقتكم رسمية ؟! [color=pink]أشوف الكثير خايف قوة على أسرار الأهل وكأنه أسرار البيت الأبيض أو إن العالم كلها ماهمها إلا أهل مرة ولدهم وش عندهم .![/color] وبالمقابل ما أشوف أي وحدة تكلمت عن خصوصيات الحمولة وأسرارهم وإلا عشانهم الحمولة عادي نتكلم بكل أخبارهم عند اللي يسوى واللي مايسوى . ياكثرهم الحريم اللي مرررة تعاملهم مع حمايلهم شيء ماشاء الله طيبة وسماحة نفس وسنع و بساطة بكل شيء ومع ذلك الأهل ما نعرف منهم إلا الاسم فقط .! واللي تقول اللي ماجربت الحمولة .! يمكن قصدك مايتكلم بالرسمية إلا اللي توها طافة بالحمولة وتحس إنهم شيء فوق الخيال .. أتحداك تجيبين أي وحدة لها 15 سنة متزوجة تقول أتعامل مع حمولتي برسمية . الحمولة هم أهل عيالك وإذا أنتِ ما دخلتِ معهم وحسستيهم إنك وحدة من العايلة فلا تلومونهم بعدين إذا ما اهتموا بعيالكم وفرقوهم عن الثانين .! أنا أتكلم عن تجارب عايشتها وعن طبيعة المجتمعات حولنا ولو إنه ماعندي حمولة أعتقد الرسمية لها أوقات ومتأكدة مليون بالمرة إنها ماتنفع مع الحمايل

لافض فوك
وخصوصا الي بالأحمر