04-12-2009, 11:57 PM
|
#551
|
|
عـضـو
تاريخ التسجيل: Nov 2009
البلد: بريدة
المشاركات: 121
|
**
خايف عليها من الثرى غطاها وإلا الحصى حافيه أخاف أذاها
أكرم عليها بالكفن يامطوع بالبيت ضل فراشها وغطاها
أكرم عليها بالكفن هذي أمي واشهد عليها في ماعطت يمناها
هذي الضحى واليل يتحرونه هذي السماء ونجومه تنعاها
هذي السوالف مثلنا تبكيها والارض تنشد عن أثر لخطاها
هذي الكبيره كبر هذي الدنيا هذي العظيمه جل من سواها
ابكي عليها مونهار وليله ولاسنه تمشي وعد قضاها
ابكي عليها كثر ما شالتني وكثر الحنين الي اختلط بغناها
وكثرالاسامي وكثر من سموها وكثر النجوم وكثر من يرعاها
ابكي عليها من القهر يادنيا من لي انا من لي عقب فرقاها
من فتحت عيني ولاخلتني وشوفوا ولدها بالقبر خلاها
هلّ التراب بوجهها ماقصر شفتوا ولدها كيف هو جازاها
لوانها مكاني ماسوتها لكن أعز عيالها سواها
يالدود شفها ذابله جنبها انا ولدها وحاضر وافداها
قطعني هاك الي تبي من جسمي بس الكريمه لاتجي بحذاها
واوصيك امانه قل لها تعذرني وتكفى تروح تحب لي ماطاها
ابيها تغفر لي مثل ماكانت كل خمله مني بطيبها ترفاها
يالله عساها بنعيمك الخالد وعسى في جنة عدن سكناها
يافضو هذا الكون ياهو خالي ياضيق هذي الدنيا يامقساها
يامر طعم فراقها يامره ماني مصدق ارجع ومالقاها
وشلون اجي غرفتها ماهي فيها وش عذري لسبحتها ومصلاها
وش اقول انا لدولابها ومصحفها واذاسالني مشطها وحناها
وعباتها والمبخره وماي زمزم ورشوشها ودواها
الكل في غرفتها متفقدها حتى الجدار متفطر ويرجاها
الكل يبكيها مهو ناسيها يالله صبرني وشلون انساها
ياليتها مارحت وخلتني أو وسعت لي بالقبر وياها
.................................................. ..........الحميدي الشمري
**
|
|
|