للدار وحشة عقب سيد هل الجود
وعيني غشاها عقب شمسه ظلالي
ما لوم رجلك لو شكت كايد الكـود
اتعبتهـا ترقـى سنـود المعالـي
للجسم حد وغايتك مالهـا حـدود
ظلمت نفسك مـن قديـم وتالـي
تمشي وعرها كنه سهود ومهـود
لله درك مـا تغالـيـت غـالـي
ما تنتظر للجود يا شيـخ مـردود
تشرب مرار وتسقي الغير حالـي
ما ينثني عزمك خطير على الزود
من عالي تجمح على راس عالـي
يا طيب طابت لك البيض والسـود
أسرت في حبك قلـوب الرجالـي
يفوح مع ذكرك شذا الورد والعود
وكل ينعم لـك الـى جـا مجالـي
مرضك يمرضني وسعدك لي سعود
ياليتي انقل عنـك ضيـم الليالـي
كذلك القصيدة لابن اخيه وزوج بنته ابو بندر خالد الفيصل