[فشخره]

اقتباس المشاركة الأساسية كتبها •°انكسار الأماني°• 88 طيب أنت بتسوي كذا وتترك أصدقائك ؟؟ وإلا برأيك بس هي تترك صديقاتها الغير متزوجات وتدور صديقات متزوجات ؟؟ خوش فكرة على بالك الصديقات ينتظرنها عند الباب متى تجي لهن وتختار اللي يناسبها منهن , هالوقت لالقيت صديق مخلص عض عليه لايضيع منك . المهم ترى مايحتاج تقول وجهة نظرك لإن أغلب البنات لاتزوجن تركن صديقاتهن سوا متزوجات وإلا مش متزوجات , والسبب مو شرط من زوجها قد يكون منها البعض خاينات عشرة خلاص الصداقة عندهن حاجة ومتى ماأستغنن راحن . أذكر في الثانوي لي صديقة وكنت بصراحة ولارياء واقفة معها بكل كبيرة وصغيرة حتى الدروس تجي لي كل يوم أشرح لها لغن غيابه كثير , والله مش منة لكن عيب أعطيها كل هالمجهود وتنسى , قدر الله وتزوجت إتصلت ببارك طبعاً قبل زواجها إلا تنط بي أمها قالت خلاص نورة بتتزوج لاتتصلون عليها , قلت ماشاء الله من بتناسبون آل سعود وآل إبراهيم راس ماله ولد جيراننا تراي أعرفه مابوه زود بازه برجل بنتك ياحلالي أنتِ << طبعاً ماقلت لها هذا أقوله للبنات بالمدرسة هـه تزوجت طبعاً سحبت ولاحضرت زواجها بعد فترة وبحكم إنها متزوجة ولد جيراننا صارت تقول لبنت جيراننا وين انكسار ليه قاطعة ؟ فشلت وإتصلت بوقت مناسب إلا يوم قلت السلام وسألت عن الحال قالت انكسار جاء محمد قلت طيب مع السلامة ومشيتها , بعد خمس أشهر إتصلت وكذلك جاء محمد باشا وبعد سنة كذلك اتصلت وقالت انكسار سمعت الباب أكيد محمد جاء إلـــــــخ , بعدها طفشت قلت يانورة ترى ذليتيني بمحمد ذا يعني تجين تتشرهين ليه ماأتصل وتخليني أجبر نفسي مع إني أكره السماعة وكذا تسوين بي ؟ خلاص إنقلعي لمحمدك وبطلي حركات التشره اللي مالها داعي مسويه عمرك تقدرين تردين علي وأنتِ لاسمعتي صوت باب الجيران يسكر انهبلتي وسكرتي السماعة , أعذريني وأعتبري هذا أخر إتصال بيني وبينك الفكة من جحا غنيمة على بالك ماعندي شغلة غيرك وإلا أنتِ أكبر همي , بدت تخربط علي وأنتهت المكالمة , إلى يومك تقريباً لي الآن 6 أو 7 سنوات ماأدري وش صار بدنياها حيه ميته , الله يستر بس لاتصير ماتت وأنا ماأدري , الصديق اللي زي هالأشكال أجدعه بأقرب حاوية مايستاهل كلمة صديق وتكرم الصداقة عنه . بعد كل هالكلام يافشخرة أقول لك تفكيرك سقيم , وعذراً مالقيت صفة تليق فيه غير هذي , عيب الإنسان يقطع بأصحابه متعلل بإختلاف الأفكار أوالإنشغال لإن الإتصال والإلتقاء بين فترة وفترة ماراح يضر , لكن مو غريبة على مجتمعنا أصلاً هم مابروا بأهلهم بأمهاتهم بأبوتهم بأخواتهم بأخوتهم فكيف نرجي منهم يبرون بأصدقائهم , ,

ماتلاحظين إنك مع كل إتصال تقولك جاء محمد , يعني معقوله كل إتصالاتك بوقت جيته ؟


هي بصراحه تبي تحسسك إنه كانت ضايعه معك ,وإنك بعد ماتزوجت محمد أنت ولاشي ؟


اي صداقه اللي بترميها بالحاويه ؟ والله هي اللي رمتك ,, يا إنكسار !!