|
ياصاحبي لاتشكي الوقت والحال ==== خل اللذي في قلبك اليوم خافي
ماكل حكي يابيض القلب ينقال ===== ولاكل عمر من شقى الحال غافي
رح واشتكي للي له الكل رحال ==== وارفع كفوفك له ترا الله كافي
واعرف ترا كلن من همومها شال == ولاعاد شفت اللي من الهم صافي
منت الوحيد اللي شكى الوقت والحال = منت الوحيد اللي له الوقت جافي
اكذب عليك ان قلتلك خالي البال = ياما مشيت الدرب والنور طافي
همي بقلبي ياالاخوي اتعب الحال === دمعي بعيني رقص اليوم قافي
انت الرفيق اللي بهالكون مامال ===== ولاضاق صدري منهم القاك لافي
ترا غلاك اليوم ثابت ولازال ====== ولاعاد ابي ربع القلوب المقافي
خذني يمينك وابشر بذرب الافعال==== لمشي معك لو وين كان انجرافي
اقسم قسم انك على الراس تنشال === خذ من قصيدي وشوف جل اعترافي
|