|
تذكرتك وقلبي مسرف الخطوه يبي فرقـاك
وفي نفسي بقايا من جروح العـام مدفونـه
تذكرتك وفي عيني مواري حزن من ذكراك
تلفت يمك الخافق وجـاك خطـاه مجنونـه
وجيتك ثاير العبره احبك من يقول انسـاك
غيابك نار من يقوى يشيل النـار بعيونـه
هلا با ايامك السوداء هلا بالحزن في دنياك
رضى قلبي بتعذيبك ابـد مايطلـب العونـه
متى تفرح بك ايامي متى وشلون كيف القاك
متى هالليل في شمسك يذوب ويختلف لونه
تعبت من التعب وينك تعال ومد لي يمنـاك
حياتي لا خلت من شوفتك ماهيب مضمونـه
|