[فتى العشة]

<---داخل يحسبهم بنوا كنيسة !
تسان مقياسك تسذا..فهم مهوب داخلين سماء بريدة..الا في قعر غرفتك..ناظر شف الكيبورد حقك بعد به صليب..فوق جنب الصفر ورا ما تجدع الكيبورد بالزبالة ! ..ولا ورا ما تقترح يمنعون دراسه الرياضيات بحجه انه تحتوي على ------> +
----------
الحمدلله..وكأنه لم ينقصنا الا هذا..تبي تنكر رح انكر عند الحلاقين الي يحلقون اللحى وحقين الاغاني الي معلقين صور المطربات ولا احد تجرأ يقولهم شي..ولا بس جيدن تصور هذولي..يالله لك الحمد..يعني تقل واقفه على ذي.....ياخي استح على وجهك..وتسانك ما تبي ذولي..شمر عن ذرعانك ورح اصنع ونش....ياخي قسم بالله انه لو يدخل احد المنتدى ان يقعد يضحك علينا!!..اجل حق الماء الي بالحواري صليب؟؟..ولا ذا صليب !!..لا ومهول الموضوع تقل بانين كنيسة...وتراه على حسب مصادر موثوقه ما قعدت الا اقل من يومين..وصور المطربات معلقات ليل نهار بالسلسال ولا اشوفك صورته وقعدت تنكر.......

ياناس افهموا..هم حاطين قنوات تلفزيونيه..ومواقع..وعلى الرادو..يعني داخلين علينا جهاراً نهاراً..يعني وقفت على تقاطع بـ ونش !وانا متأكد انا وضع لأسباب تقنية (يوزنون عليه ولا شي) الي يشوف هالموضوع يحسبنا بدولة الاسلام ما يدخل علينا منهم شي..الا والله كل شي منهم...قسم بالله اني ضاق صدري يوم شفت ناس تهتم بالاشياء السخيفة ذي ومخلين الي اعظم منه..