[صرهجي]

اقتباس المشاركة الأساسية كتبها •°انكسار الأماني°• زميل لأخوي في العمل ماقد جاب طاري أمه بين زملائه , ولما تزوج أشغلهم بطاري زوجته , فقال له أخوي يافلان أمك موجودة ؟؟ قال إيه ليه تسأل ؟؟ قال أخوي ماقد جبت طاريها أبد على بالي أمك متوفية , قال ماله داعي أجيب طاري أمي عندكم , قال أخوي طيب هذاك مقلقنا عند زوجتك وش الفرق , قال زوجتي غير أمي لإنه معي بكل كبيرة وصغيرة , قال أخوي أسألك بالله أيهم أقرب لقلبك أمك وإلا زوجتك ؟ لإن في الغالب لاكثر هرجك عن شخص معناته تقدره ولاقل كلامك عند شخص معناته مايهمك . قال بصدق ولاأقدر أكذب زوجتي أقرب لي من أمي , بالعمر والأفكار وكل شيء . حتى بالحب أعترف لك إني أحبه أكثر من أمي وهذا غصب عني , بقولك نقطة , الأشخاص الذين تسيطر عليهم شهواتهم سيقدمون زوجاتهم على أمهاتهم , فالهدية ياسيد لم يهديها لزوجته حب بها , لااااا , بل حاجة إليها , ولو كان حب كان يقدمها لأمه مثلما يقدمها لزوجته , مش معقولة مايحب أمه أبد , لكن هو يعلم إن الحاجة التي يطلبها لن تحققها له أمه , وماله داعي الخساير , يعطي زوجته أبرك , 2×1 , منها يكسب قلبها ومنها تحقق له مراده , هالتفكير المريض للأسف شبه منتشر بيننا , وأصبحت من بعده الأم ( كرت محترق ) منتهي الصلاحية , هذا غير إنه يوجد زوجات يحرضن الأبناء ضد أمهاتهم , ويقومن الدنيا لو يفكرون يكرمونهن لو بالقليل , ويتلقطن الزلات بحيث يقللن من قدر أمهاتهم داخل قلوبهم وحسب ظنهن كذا يستولن عليهم بشكل كلي , أيضاً يوجد زوجات يتضايقن أو بشكل أصح يغارن لو يهدون أزواجهن أمهاتهم ويحسدنهن أو يعتبرن هالشيء ماله داعي وخساير , المسألة متفرعة مش الزوج لوحده مخطئ بل خلفها جنود من إبليس , أحياناً الزوجة وأحياناً أهلها من وراها يحرضونها ووووو إلــخ , تقدر تقول عمليه شيطانية لايفكر بها من في قلبه إيمان راسخ , فلا يؤمن أحدكم حتى يحب لأخيه مايحب لنفسه , والمفروض الواحد يكون عون مش فرعون , الموضوع مؤلم , الله يكفينا الشر , ,

الحين يجي واحد بعد هذا الرد ويقتبس كلامه ويقول انتي ضالة ومدري اايش
كل هذا عشانه خالفته الرأي ويدعي انه حق ويبي الناس يفكرون مثل مخه المنغلق اللي مسكر عيونه عن الحقيقة ولا يبي يشوفه